't '''Wieërts''' is 't [[Limburgs]] dialek wat gesproke weurt in en um de stad [[Wieërt]]. 't Heet 'n aontal opmerkelike kinmerke.
Binne de dialekte in [[Nederlands Limburg]] liet 't Wieërts ziech indeilingeindeile in 'n Midde-Limburgse klade, door weurdsjes wie ''det'' en ''hert'' tegeneuver ''dat'' en ''hart''. E belangrieker kinmerk is evels de ''sch-'' in de anlaut woe väöl Limburgse dialekte ''sj-'' höbbe (''schaop'' veur ''sjaop''). Wieërt ligk dus te weste vaan de [[Panninger Seitenlinie]]. Evels ligk 't t'n ooste/zuie vaan de ander [[isoglosse]]s oet de [[Genker barrièr]], al ligk de doe/gijlien hendeg kortbij de stad. 't Wäördsje ''gae'' in 't inkelvajd is in e paar vaste verbindinge te vinde, en wel in de vörm ''je'': ''ajje'' "es te", ''dooje'' "deis te" etc. Ouch opvallend is 't wäördsje ''uut'' veur ''oet'', boe-in Noord-Limburgsen invloed bliek. 't Wieërts is stèrk gemoullieerd (de ''-t'' in de daarde persoen inkelvoud vaan verbe weurt ''-tj'') en heet gein [[t-deletie]]. Naoslaoge koume zoe dèks veur tot 't aontal echte sleiptoen-stoettoenpare klein is.
'n Min of mie bekinde sjriefster in 't Wieërts is [[Annie van Gansewinkel]], die veur de [[LiLiLi]] gepubliceerd heet.
