Sjtèèbösjkapel: Versjèl tösje versies

[[Plaetje:SjoppemSteenboskapelwkped04.JPG|thumb|right|275px|De Sjteebusjkapel bie [[Sjoppem]] ]]

De '''Sjtèèbösjkapel''' ligkt langs 'ne vaeldwaeg in [[Sjoppem]], 'n gehuch va [[Voere (dörp)|Voere]]. De [[kapel]] is geboewd va reste va 'ne [[Romeinse tied|Romeinse villa]], dae dao in 1850 dör d'r toenmalige [[burgemeester]] en [[historie|historicus]] ''Delvaux'' is opgegrave en oetveurig in 't [[Fraans]] is besjraeve. Naeve boewmateriaal is och o.m. 'n munt oet d'r tied va [[Nero]] gevoonde en glaze vörwerpe.

== 't Boewmateriaal ==

't Oondersjte deel van de kapel is gemakt va [[blowwe sjtèè|breuksjtèè]] in veerkaente bluk gekapt. Dit is gee [[Romeins Riek|Romeins]] materiaal.

De [[daakpan]]ne besjteunt noe oet modern panne mae nog 'n 10 jaor truuk loge authentieke Romeinse daakpanne op dis kapel. Wie, mit 't opkaome van de toeriste, de ing nao de aander pan verdween, hat me besjlaoëte ze te vervange en urgens veilig te beware.

De kapel wert nog gebruukt väör 'n jaorlekse aoëpeloch-mis en bie de [[brónk|broonk]].

== D'r naam ==

D'r Romeinse villa zow roond 't jaor 300 n. Chr. verwoest zieë.

Zoe zal 't [[volksverhaol]] ''De verzoonke sjtad van Ribbi'' oontsjtande zieë, dat zich zjuus hie aafgesjpeuld zow hubbe. In die sjtad laefde luuj die neet doogde en d'r èèges vör gezurgd haant dat ze vergonge. Mit [[Kaersjmes|Kaeërsjmis]] zow me de klokke van de kirk van Ribbi nog kinne hure loewe.

't Thema van verzoonkde plaatsje is universeel en vindt me waeltwied truuk in [[volksverhaol|volksverhaole]].

== De Kruushieëre ==

De kapel wert, es wie alle [[kruus|waegkruutser]] en kapelle in Voere, oonderhaowe dör 'n vereniging die zich de ''Kruushieëre va Voere'' neumt.