Nederlandse Antille: Versjèl tösje versies

De '''Nederlandse Antille''' (officieel '''Nederlandse Antillen''') waore 'n aofhenkelek gebeed vaan 't [[Keuninkriek vaan de Nederlen]], en vörmde sindstösse 1954 en 2010 volges 't ''Statuut vaan 't Keuninkriek der Nederlen'' e "'land binne 't keuninkriek", zjus wie [[Nederland]] en [[Aruba]]'. Wat betröf de binnelandse polletiek waore de Nederlandse Antille gans oonaofhenkelek, meh ze mochte gein [[leger]] höbbe en geine boetelandse polletiek veure; dit woort aon Nederland euvergelaote. De Nederlandse Antille bestoonte oet zes, vaanaof 1986 evels vief, [[trope|tropische]] eilen in de [[Caribische Zie]], drei (later twie) [[oonderwindse eilen|oonderwindse]], [[Aruba]] (tot 1986), [[Bonaire]] en [[Curaçao]], en drei [[bovewindse eilen|bovewindse]], [[Sint Maarten (Nederlands)|Sint-Maarten]], [[Sint-Eustatius]] en [[Saba]]. Daoneve gaof 't nog drei klein, oonbewoende eilen: [[Klein Bonaire]], [[Klein Curaçao]] en [[Green Island]] (bij Saba). De intern structuur heet versjèld: in 't begin waore beveurbeeld Saba en Statia oonderhureg aon Sint-Maarten; later kreeg edert vaan de eilen zienen eige eilandraod. 't Land grensde aon [[Fraankriek]], umtot 't noordelek deil vaan Sint-Maarten in Franse han is. Hoofstad en wiedoet groetste stad waor Willemstad op Curaçao, wijer waore allein [[Oranjestad (Aruba)|Oranjestad]] op Aruba en [[Philipsburg]] op Sint-Maarten vaan beteikenis. Op [[10 oktober]] [[2010]] heel 't land op te bestoon. De zes eilen zien nog ummer staotkundeg mèt Nederland verboonde, noe in aander constructies.

In [[1954]] woort 't Statuut veur 't Keuninkriek der Nederlen opgestèld, woe-in de Antille, zjus wie [[Suriname]], vaan [[kolonie]] tot gebeedsdeil verheve woorte. In [[1969]] woort op Curaçao 'nen opstand oontketend oonder arbeiders vaan de [[Shell]]-raffinaderij.