'n Waffeliezer besjteit oet twiè plate mèt 'n rutekesprofiel, woatösje besjlaag of deig weurt platgepeersj. Dees plate kènne op 't vuur (fornuis) of electrisch verwermp weure.
De naam waffel kump van 't [[Latien]]se waffle. De naam en de ièrsjte vörm dateert oet de 15e ièw. De [[Grieke]] bakde ouch waal tösje twiè iezersj 'n soort pannekook. Bie de [[Romeine]] heesj zoane ongegisde kook ''oblata'' ([[offerande]]). Dat waor de veurluiper van de [[hostie]].
==Gebruuk==
Oarsjprónkelik woorte ze gegete op jaormerte, [[kèrmes]]se en [[foore]]s (foires of merte).
In [[Limburg]] huère waffele bie [[oudjaor]] en [[nuujjaor]]. Bie ’t [[verrasje]] op nuujjaorsdaag ies ’t gebrukelek um waffele te presentere. Eder familie bak(de) zien eige soort waffele. ’t Uterlek haet te make mèt de vörm van ’t waffeliezer en de sjmaak hingk aaf van de ingrediënte. Zoa besjtoon d’r dieke, groate, klein, veerkentige, rón, zachte, hel en gevölde waffele.
Waffele weure, neve [[Limburgse vla]], ouch mèt de [[kèrmes]] gegete in Limburg. 'n Gewoon waffel weurt mèt de heng gegete.
[[Luukse waffel]]e weure werm gegete en [[Brusselse waffel]]e weure geserveerd mèt 'ne flinke poes [[sjlaagroum]], [[vröch]]te, [[jam]] of [[poejersoeker]] d'r op. Dees waffele weure mèt mets en versjèt in repe gesjneje. Reep veur reep sjuuf me ze dan mèt de heng nao binne.
De [[Noord-Nederland]]se waffel ies 'n sjtök dunner en weurt [[kniepertie]] geneump. Ze weurt rónd de jaorwiesseling gegete.
