'''Raotem''' (Nederlands: Rothem) ies e dörp in de gemeinte [[Meersje]] in [[Nederlands-Limburg]]. De naam ies 'n samesjtèlling van ''rot'' en ''heim'', dat ''bewoning op 'n geroojde plek'' beteikent. 't Dörp woort veur 't ièrsj sjrieftelik vermeld in 'n akte oet [[1377]]. Allewiel wone d'r 1725 luuj.
In de jaore 50 zint op 'ne heuvel achter de Holsjtraot, 't zoa geneumde ''Krekelveldsje'', graver van Frankische oarsjpróng gevonge.
[[Aafbeilding:Raotemkerkwkped05.JPG|thumb|Kèrk van 't Heilig Hart van Jezus in Raotem]]
De [[kèrk (geboew)|kèrk]] van Raotem, die gewiejd ies aan 't [[Heilig Hart van Jezus]], woort in 1929 geboewd. Ze ies óntworpe door [[Jos Wielders]]. In de kèrk hink ein viefluuk van de kunstenaer [[Pieke Dassen]] en dao sjtoon beelde van [[Jean Weerts]] en [[Charles Vos]]. Veur de kèrk sjteit e beeld van de [[heilige]] [[Theresia van Lisieux|Theresia]], dat gemaak ies door [[Mari Andriessen]].
Op de [[Geul]] bevingk ziech de ''Raotemer [[watermeule]]'' oet 1773, die functioneerde es olie- en maelmeule. In de jaore vieftig ies gesjtop mèt male en toen ies de meule verboewd tot appartementecomplex. De meuletak van de Geul sjteit in verbinging mèt grachte en vieversj van [[kesjtièl Vaeshartelt]].
Ten zuud-oaste van Raotem liek 't natuurgebeed [[De Delle]].
