In de [[negende ieuw|negende]] en [[tiende ieuw]] woort Iesland, vermeujelik veur 't iers, gekoloniseerd, en wel door [[Vikinge]] en [[Kelte]] ([[Sjotland|Sjotte]] en [[Ierland|Iere]]). In [[930]] woort de nationale vergaojering, 't [[Althingi]], opgeriech, dat es 't ajdste [[parlemint]] op de wereld geldt. 't Parlemint heet evels neet vaanaof 930 oonaofgebroke geregeerd.
Mie es 300 jaor blaof Iesland oonaofhenkelik en woort daonao door [[Noorwege]] ingelief en, wie Noorwege de personeel unie mèt [[Denemarke]] verbraok, vaanaof [[1814]] door Denemarke. In 't Tractaat vaan [[Kiel (Duutsland)|Kiel]] woort Iesland tot Deens gebeed verklaord. In [[1874]] woort Iesland bepèrkde otonomie verleend, en nao [[1918]] woort 't bekaans oonaofhenkelik, meh de Deense keuning blaof soeverein vaan Iesland tot [[1944]], wienie de rippebliek gevesteg woort. Nao de [[Twiede Wereldoorlog]] slaot Iesland ziech aon bij de [[NATO]]. Door einzijegheid vaan de [[ikkenomie]] (die veurnamelik op [[vèsserij]] steunt) kaom 't land e paar kier in 'n kortstaondege ikkenomische crisis.