Staeveswaert: Versjèl tösje versies

{{dialek|Staeveswaerts}}

'''Staeveswaert''' (Nederlands: '''Stevensweert''') is e klein plaetske in Midden-[[Nederlands Limburg|Limburg]] mèt róndj de 1500 minse ([[2006]]). Róndj 1633 begóste de [[Spaanje|Spanjaarde]] Staeveswaert óm te boewe tot e vestingstedje, vanwaege de strategische ligking aan de [[Maas]]. Sins [[1715]] behuërt Staeveswaert officieel tot [[Nederland]]j. Noe behuërt het tot de gemeinte [[Brach|Maasbrach]]. Vreuger woor het 'n eige gemeinte same mèt [[Ohé en Laak|G'n Oea en de Laak]], toendertied ein van de kleinste gemeintes van Nederlandj. Het is veural bekènd as eilandj in de Maas en erg populair ónger (veural [[Duitsland|Duitse]]) toeriste. Ouch is het bekènd door beeldsniejer [[Jan van Steffeswert]]. Sjoan bezeenswaardigheje zeen de protestantse en katholieke kirk, 't museum en de restante van 't aod kastiël.

 

Staeveswaert is in Nederlandj bekènd óm ''De kantharos van Stevensweert'', 'n [[rech|juridische]] oetspraok oet 1959 mèt groate waerd in de jurisprudentie. In 't kort kump 't d'r op neer det, wen me emes get verköp en det bliek later väöl mieë waerd te zeen, det de verkoup det juridisch neet óngedaon gemaak kan waere es me neet kan aantoane det de kuiper bie de koup al wis waat de waerd woor. (kiek bie externe links)

Staeveswaert lik veural in de buurt van [[Belsj]], vanaaf de oever van de Maas kèns se [[Mezeik|Maaseik]] al zeen ligke. 't Unieke van Staeveswaert is det alle straote in de aoj bènnestad nao ein punt toeloupe. Same mèt [[Bourtange]] in [[Drente]] is Staeveswaert de einige plaats in Nederlandj met det straotepatroan. Van oudsher stuit Staeveswaert ouch bekènd veur de väöle kaffees (mieër es 20 op 1500 minse), maar det is noe minder.