Keuteberg: Versjèl tösje versies

{{dialek|Valkebergs}}

[[File:Keutebergnuujwkped06.jpg|thumb|250px|right|Keuteberg 22% helling en wieds oetziech]]

'''Keuteberg''' of '''Kuiteberg''' (Nederlands: Keutenberg) ies 'n [[buurtsjap]] van [[Sjin-op-Geul]] [[gemeinte]] [[Valkeberg]] boven op de gelieknamige berg. Um 't buurtsje van 10 häöf en hoezer te bereike moet me 'n helling van 22% euverbrögke. Die begint in 't [[gehuch]]ske [[Ingwege]]. Tot 1981 huèrde Keuteberg bie de gemeinte [[Wielder]]. Vlak veur 't begin van 't gehuchske sjteit 'n ouw [[mergel]]e [[sjuur]] mèt 'n sjilddaak in de wei. Ouch liegke d'r 'n paar [[vakwerkhoes|vakwerkhoezer]]. In 't centrum van de bewoning sjteit 'n sjmeediezere waeg[[kruus]] mèt 'n [[crucifix]]. Aan de dweersjsjtang hingk ambachgereidsjap: 'n [[lödder]], 'n mets en 'n [[pietsjtang]]. In vreuger tieje haolde me, via e sjtiel bergpaad, 't drinkwater in de ''Grónzelepöt'', 'n [[brón]] aan de voot van de berg, woavan 't water in de [[Geul]] sjtruimp.