Gelderse waopes: Versjèl tösje versies

 

==`t Ieërste waope van Gelder==

`t Ieërste [[waope]] van [[Gelder]] waerde al gebroek door de ieërse [[voog]] van de plaats Gelder [[Wichard van Pont]], dae in [[878]] voogd waerde. `t Waope is `n sjild van goud, belaje mit drie mispelblome van kael, geplaats twieë ein. De [[mispelblome]] slaon oppe [[Drakesage van Pont]]. Volges deze sage haw Wichard van Pont same mit zie broor [[Lupold van Pont|Lupond]] `ne draak verslage bie `ne mispelstroek. De mispelblome zeen in `t waope kael (roead) vanwaege `t blood waat d’r vergaote mot zeen tiedens `t gevech (mispelblome zeen normaal wit van kluuer). De mispelblome zeen, zoeawaal in kael es in zilver, truuk te vinje in väöl gemèndjewaopes in `t Gelderse gebied.

 

==`t Waope mitte leeuw==

Vanaaf [[1236]] ginge de grave van Gelder `n anger waope gebroeke, namelik `n sjildj van lazoer, mit gouje blökskes bezejd, belaje mit `ne gouje leeuw. `t Waope is geliek aan `t waope vanne [[Graafsjap Nassau]]. Of `t hie auch ech óm `ne Nassause leeuw geit is neet bekindj. In eder gaval kan `ne leeuw dude op `ne persoean mit `n hoeage millitaire rang. Meistal geit `t dan óm ne hertog. Bie persoeane die `ne legere titel es hertog haje, waerde de blökskes gebroek. Deze Gelderse leeuw is auch truuk te vinje in väöl gemèndjewaopes.

 

==Kleine verangering inne veertieënde ieëw==

Inne loup vanne [[Dertieënde ieëw|dertieënde]] of [[veertieënde ieëw]] waerde `t waope get verangerd. Bie deze verangering vervele de blökskes en kreeg de leeuw `ne döbbele stert en `ne kroean. Waarsjienlik waas dit ter ieëre vanne `t feit det [[Reinoud II van Gelder|Reinoud II]] in [[1339]] toet hertog verheve waerde. `n Anger meugelikheid is de dees verangering plaatsvónj in [[1276]] wie [[Reinoud I van Gelder|Reinoud I]] mit [[Irmgard van Limburg]] trouwdje en same mit häör hertog van [[Hertogdom Limburg|Limburg]] waerde.

 

 

==De Gulikse leeuw kump truuk==

In `t begin vanne [[Negentiende iew|negetieënde ieëw]] waerde de Gelre-Gulik combinatie gebroek veur `t waope vanne nuje provincie [[Gelderlandj]]. Auch deze combinatie kump in väöl gemèndjewaopes veur. Sinds [[10 oktober|10 oktoeaber]] [[1935]] haet de provincie Gelderlandj `t volgende waope: ''Gedeild: I in lazoer `ne ómgedrejde, döbbelstertige leeuw van goud, gekroond van `tzelfde en getóngd en genageld van kael; II in goud `ne leeuw van sabel, getóngd en genageld van kael. `t Sjildj gedèk mitte hertogelikke kroean van goud, geveurd van kael mit hermelien opgeslage. Sjildjhajers: twieë leeuwe van goud, getóngd en genageld van kael.''