Panninger Linie

De Panninger Linie is de isolglosse die de grens tösse de beginclusters sl, sm, sn, sp en st einerzijs en sjl, sjm, sjn, sjp en sjt aanderzijs aongif. De lien löp um 't dörp Panninge, boevaan ze häöre naom daan ouch heet. Zie verdeilt Hollands Lèmburg in twie oongeveer gelieke stökker. Venlo, Wiert en Mestreech höbbe de Hollandse oetspraok, Remoond, Zittert, Heerle en Kerkraoj de Duitse.

Bij Venlo en Mestreech is evels get vreemps aon d'n haand: de grens löp dao dwas deur de gemeinte en de agglomeratie. Tegele en Hier ligke naomelik wel in 't sj- gebeed. In Mestreech kint me de lèste decennia 'n geleidelike verplaotsing vaan de Panninger Linie nao 't weste zeen: Sjijns weurt in dees stad mier en mie sjlech veur slech gezag.