Vesder

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.

---

De Vesder ies 'n rivier in Belsj, die feitelik de grens tusje de Ardenne en 't Land van Herve vörmp. In 't Duutsjtalig gebeed hèt de rivier die Weser, in 't Franstalig gebeed la Vesdre.

De rivier bie Chaudfontaine

De rivier ies ongevaer 60 kilomaeter lank, beginnend in 't natuurgebeed de Hoage Vene, vlak bie 't Duutsje plaetske Roetgen, meh nog waal in Belsj. In dit natuurgebeed vingk me ouch de brónne van riviere es de Inde en de Roer. In de loup van ièwe zint d'r langs de rivier sjtae en ander plaetskes óntsjtoon; van oas nao wes 't ièrsjt Eupe, wao 't sjtuwmeer liegk (de Wesertalsprerre). Wiejer volge Limburg, Verviers, Pepinster en Chaudfontaine. Ten zuje van Luuk sjtruimp de rivier oeteindelik in de Ourthe, neet wied van wao dees in de Maas oetmond.

De sjtuwdam bie Eupe

Door 't kwalitatief gooj water, weurt 't in Eupe jaorenlank als 'n brón van drinkwater gebruuk. Achter de sjtuwdam (63 maeter hoag) weure daogeliks doezende lieters drinkwater oet de Vesder (en de Getz) geproduceerd.

In Verviers koes ouch textielindustrie ontsjtoon door 't water oet de rivier, wat die sjtad haet gemaakt tot wat 't allewiel ies.

De Vesder haet väöle ziebeekskes en -rivierkes, de belangriekste zint de Getz, de Helle (Hill), de Gileppe en de Hoëgne.