DeSeel

Gojendaag en welkóm op mien persuuenlike pagina. Ich bön oet [[Mofert]] vandan en miene naam is op zien [[Mofers]] ''Zele''. Vrunj neume mich de Seel, 'ne naam womit mien femielje inne wanjeling baeter bekindj is bie de ajer generaasje. Mien veurvadere en naamdraegers höbbe al ieëwelank in det dörp gewoondj.

Oos taal fascineertj mich. Ummer al gedaon. Oppe sjoeal waas spelling noeats mien zwaak puntj, of det noe [[Nederlands]], [[Ingels]], [[Frans]] of [[Pruus]] waas. Wie ich mien hoeswerk èns neet aaf haw, leet miene lieëraar Ingels mich 'n alibi sjrieve. Ich kreeg 't trök mit "Very creative piece of work. 9".

De aafgeloupe jaore höb ich mich zelf al e bietje mieër oetgezóch wie se krek plat sjriefs. Ich bön nao 'n laezing gewaes van [[Pierre Bakkes]] euver 't Mofers Waordebook en höb 't mich later bie de prizzentasie gehaoldj. 't Veurjaor drop organiseerdje m'n 't ieëste Mofers Dictee ([[2008]]). Ich haw mich op 't alderlèste moment ingesjreve. 't Waas sjoean óm aan mit te doon en ich haw neet dörve dinke det ich 't nag zów winnen ouch. 't Jaor drop höb ich mienen titel verdeidig bie 't Mofers Dictee [[2009]]. In 't naojaor organiseerdje [[L1]] 't [[Groeat Limburgs Dictee#Groeat Limburgs Radiodictee|Groeat Limburgs Radiodictee]]. 'n Echte oetdaging óm al die dialekte krek te spelle, en geliek èns te zeen wo 't allemaol gebeurtj dao bie L1. Wie ich huuerdje det ich taengeneuver 'ne drieveljige winnieër zoot, koomwaas mienich euverwinningerg tochverras waalmit esmien 'n verrassingeuverwinning. Ich bön d'r gruuets op en zal mit plezeer aan die dictees mit blieve doon!

Op deze wikipedia zóltj g'r mich veural artikele zeen sjrieve die get mit Mofert of [[Limburg]] te make höbbe.