Aviobrögk

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

'n Aviobrögk in Vancouver,Canada

'n Aviobrögk, officieus ouch waal vleegmachienslörf geneump, is 'n beweegbare brögk dee aon ein kant is bevesteg aon 'n terminal en beweginge touwsteit in drei riechtinge: zwunke in horizontale en verticale riechting en verkorte/verlenge. Daomèt kin 'n euverdekte verbinding tot stand weure gebrach mèt edere vleegmachien dee ziech diech genóg bij de terminal bevint. Nao 't lande weurt de aviobrögk aon de vleegmachien gekoppeld zoetot de passageers de vleegmachien kinne verlaote en nuie passageers kinne instappe. Meistens bevint ziech bij edere aviobrögk 'n gate boe de vertrèkkende passageers kinne wachte tot zie mage instappe. De aviobrögk en de gate höbbe 'tzelfde nómmer.

Naodeile

Naodeil vaan 'n aviobrögk is tot 'r minder flexibiliteit is in de opstèlling vaan vleegmachienes. Maak 'n vleegmachien 'n tösselanding tösse 'n binnelandse en 'n internationale vlöch, daan is 't gebruuk vaan 'n aviobrögk onpraktisch, umtot de passegeers, vaanwege douaancontroles, vaanoet 'n aander deil vaan 't lochhavegebouw mote in- en oestappe.

'n Ander naodeil is tot de oetstappende passageers terechkoume bij de gate, dus bij d'n instappende passageers, boenao zie nog 'n laank ind mote loupe nao de bagaasjhal, allewijl 'n bös de passageers direk nao de bagaasjhal bringk.

Opstèlling vaan vleegmachienes

Aaonvaankelek waor 't gebrukelek tot vleegmachienes evenwijeg aon 't gebouw wore geparkeerd. De aviobrögke móste daodoor vrij laank zien, laank genóg um euver de vlörk te reike. Bovedeen waor 'r ruimte nudeg väör 't manoeuvrere vaan d'n vleegmachienes. Allewijl zèt maan d'n vleegmachienes liever mèt de naas nao 't gebouw. De aviobrögk is daan vrij kort en d'n vleegmachines kinne diechter bij aonein staan. De vleegmachien vertrèk vaan de gate door middel vaan 'n pushback: 't weurt door 'n speciaol oontworpe voortuug nao achtere geduid. Op 'n veilrge aofstand vaan de poort maag de vleegmachie pas zien motore starten, um versjendelereng aon 't gebouw te väörkoume. Daonie krieg de vleegmachien clearance um nao de startbaon te taxië väör vertrèk.

Aonkoms

Op 't gebouw bevint ziech 'n paniel mèt informatie vaan de versjèllende vleegmachientypes, boeaon de piloot kin zien of heer percies bij de aviobrögk geparkeerd steit. Deit heer 't good, daan hoof de brögk allein nog meh in hoegte verstèld te weure.

Vertrèk

'n Vleegmachien is neet oontworpe um op eigen force achteroet te rije (allewel 't in princiep waal meugelek is). Daarum is 'n tractor nudig dee de vleegmachien achteroet duit väörtot 't kin vertrèkke.

Plaetjes

• 
  'n Air Berlin vleegmachien aon 'n aviobrögk mèt reclaam
• 
  Aviobrögke in Nagoya, Japan