Embraer: Versjèl tösje versies

Verwijderde inhoud Toegevoegde inhoud
LightPhoenix (Euverlèk | biedrages)
vaan NL wiki
(gei versjil)

Versie op 28 dec 2009 12:59

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.



'n EMB-195 in deens bie Azul Linhas Aéreas Brasileiras

Embraer, aofgeleid vaan Empresa Brasileira de Aeronáutica, is 'n Braziliaans vleegmachienbouwer, opgeriech in 1969. Lange tied woort weineg geproduceerd, 't bedrief kaom pas vaanaof 2 januari 1970 ech vaan de groond. In 1971 begós de fabricaasj vaan 'n zwiefvleegmachien, de EMB400 Urupema. Dit woor de ierste vleegmachien dee op de eige fabricaasjfaciliteite vaan Embraer woor gebouwd.

Op 9 augustus 1972 maak de EMB110 Bandeirante zien ierste vlöch. 't Is 'n klein touwstèl mèt twie turboprop motore väör regionaal gebruuk, en woor ein vaan d'n efficiëntste touwstèlle op de merret. De ierste lievering voont plaots in 1973 aon de Braziliaanse Lochmech. Pas in 1978 woort 't touwstèl väör de ierste kier gelieverd aon 'n commerciële lochtveertmaotsjappij, 't Franse Air Littoral In 1974 kump 'r ein samewèrking mèt Piper, boebij Embraer inkele touwstèlle vaan Piper maag bouwe. Op oktober 1976 vint de ierste vlöch vaan de Embraer 121 Xingú plaots. Dit 's de ierste gemotoriseerde vleegmachien dee door Embraer zelf woort oontworpe. 't Is 'n compak en efficiënt touwstèl oontworpe väör zakeverveur.

In d'n jaore tachteg woort 'r ouch 'n militair touwstèl oontworpe, allewijl de EMB145 väör 't iers woort oontworpe. De oondertösse mie verawwerde EMB120 woort daan ouch väörgestèld, gebouwd en gelieverd. In 1990 heet Embraer financiële problieme, boebij 4000 vaan d'n 13900 personeelsleie weurde oontslage. In 1994 woort de EMB145 väör d'n twiede kier gelanceerd, dees kier mèt motore aon de start gemonteerd. Op 't ind vaan 'tzelfde jaor woort Embraer geprivatiseerd. In 1995 verandert de fiemele positie vaan Embraer wienie de Embraer 145 väör 't iers vleeg mèt gooje rizzeltaote. 't Is 'n zuineg vleegmachien dee noe, nao d'n ierste lievering aon Continental Airlines in 1999, euveral op de wereld te zeen is.

In augustus 1999 bring Embraer de EMB170/175/190/195 oet. Dees nuie touwstèlle höbbe 'n capaciteit vaan 70 tot 114 stoole en 'n vleegbereik vaan naoventrint 3600 km. Dit tiep völt 't gaat op tösse de Regionale Jets en de Airbus A318.

Vleegmachientypes

 
Commons
Op de pazjena EMBRAER van Wikimedia Commons zeen media gerelateerd aan dit óngerwerp te vènje

Externe links

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Embraer&oldid=190253"