Amstelveen: Versjèl tösje versies

'''Amstelveen''' is 'n stad en [[gemeinte]] in de [[Nederland]]se [[provincie]] [[Noord-Holland]], ten zuie vaan [[Amsterdam]], bij d'n [[Amstel]]. De gemeinte had op 1 juni 2005 78.804 inwoeners en besleit 'n oppervlak vaan 42,38 km², woevaan 2,13 km² water is. Neve de stad Amstelveen heet de gemeinte de kèrne [[Bovenkerk]], [[Nes aan de Amstel]] en [[Ouderkerk aan de Amstel]] (te deil). Amstelveen is 'n typische [[veurstad]], mèt laog misdaodciefers en rillatief väöl hoeger inkoumes.

 

Amstelveen heet ziech nao d'n [[Twieden Wereldoorlog]] in d'n ierste plaots oontwikkeld es (forenze-)[[slaopstad]] en is dat nog ummer: väöl vaan de inwoeners wèrke op [[Sjiphol]] of in Amsterdam. De leste jaore heet me dao, mèt 't ouch op 'n opgreujende generatie, ouch in de gemeinte zelf [[werkgelegeheid]] wèlle creëre; mèt maoteg succes, al heet wel de [[KLM]] hei häör hoofkentoer. 'n Veurnaom recreatieveurziening is 't [[Wegenerstadion]], wat veur [[hockey]]wedstrije gebruuk weurt.

 

 

Volgens 'n oonderzeuk gedoon door [[Nyfer]] in [[2003]] is Amstelveen de meis leefbaar stad vaan Nederland.

[[Plaetje:Cobra-museum.jpg|thumb|right|Cobramuseum]]

Amstelveen heet e klein dörpscentrum, wat allewijl vaan weineg belang is. Me heet 't centrum vaan de stad wèlle lègke in e nuibouwgebeed, ''Stadshart'' geneump. Hei vint me o.m. 't raodhoes en väöl winkels. Mèt gemaoteg veuroetstrevende [[arsjitekstuur]] heet me de allure vaan dees stadswiek umhoeg wèlle haole.

 

Te weste vaan Amstelveen ligk de [[Amsterdamse Bos]], dee gedeiltelek bij de gemeinte Amstelveen huurt. In 't ooste vint me ouch landeleke [[polder]]s.

Amstelveen is in de [[Middeliewe]] gestiech door [[törf]]stekers die aon de kant vaan o.m. 't [[Haarlemmermier]] en 't [[Spierinkmier]] törf staoke. Allewel tot die bezegheid later verboje woort in verbaand mèt de oververdeideging bleef 't dörp bestoon. In d'n tied vaan de Nederlandse Rippebliek kaom 't dörp in trèk bij rieke Amsterdammers die ziech dao in alle rös wouwe vestege. Daodoor kraog 't dörp al 't karakter vaan elitaire veurplaots, wie [[Wassenaer]] veur [[D'n Haog]] en [[Vlaardinge]] veur [[Rotterdam]].

 

In [[1896]] woort de grèns tösse Amsterdam en Amstelveen verlag vaan de Boetesingelgrach nao de huidege Kalfjeslaan. 't Museumplein heet daodoor nog tijelek binne de grènze vaan Nieuwer-Amstel, wie de gemeinte toen nog hètde, gelege. In [[1964]] veranderde dee naom nao ''Amstelveen''. Nao d'n oorlog woort Amstelveen mier es oets 'n euverloupgemeinte, veurnaomelek veur de middelklasse.

 

 

{{commonskl|Amstelveen}}

 

{{GemeintesNoord-Holland}}

 

[[br:Amstelveen]]

[[da:Amstelveen]]