Renkum: Versjèl tösje versies

{{dialek|Valkebergs}}

'''Renkum''' ies 'n plaats en gemeinte in de [[Nederland]]se provincie [[Gelderland]]. De gemeinte haet 31.477 inweunersj (1 mei 2006, brón: [[CBS]]) en 't oppervlak ies 47,12 km² (woavan 1,11 km² water). Renkum liek aan de [[Rien]], tösje [[Arnhem]] en [[Wageninge]], en besjteit oet de kerne Renkum, [[Oosterbeek]], [[Heelsum]], [[Heveadorp]], [[Doorwerth]] en [[Wolfheze]]. 't Gemeintehoes sjteit in Oosterbeek.

 

De gemeinte kènt zjwoar en liechte industrie. In de plaats Renkum liek de [[papier]]fabriek ''Norske Skog'' (veurheen ''Parenco'') en 'n [[rubber]]fabriek die tot in de jaore 80 in Heveadorp sjtóng. Wiejer wone d'r väöl [[forens|forenze]] die in Arnhem wèrke. De gemeinte haet ouch [[toerisme]], veural vanwege de bösjrieke umgeving.

 

't Dörp Renkum ies groatendeils verwoes in de [[Twiède Waereldoorlog]] en daonao weer opgeboewd. In de Roams-Katholieke parochiekèrk (óntworpe door [[Jos Cuypers]] in 1923) bevink ziech 't beeldsje van [[Maria]] van Renkum, dat al sins de [[mieddelièwe]] doel van [[baevaart]]e ies.

 

Heveadorp ies tösje 1916 en 1921 geboewd veur de wèrknummersj van de Hevea-rubberfabriek. 'n Deil van de arbeidersjweuninge in [[cottage]]sjtiel ies in 't miedde van de jaore 80 gerestaureerd.

 

Renkum weurt veur 't ièrsj geneump in 'ne breef van Keizer Ono I oet augustus [[970]] es ''Redinchem''. In 't begin van de 11e ièw woort d'r 'n [[kapel]] geboewd woa in [[1380]] 't beeld van Maria van Renkum versjene zou zin. In 1405 woort bie de kapel 'n kloaster gesjtiech, dat in 1585 verwoes woort.

 

Oosterbeek, allewiel de groatste kern van de gemeinte, waor in de jaore 60 van de 19e ièw 'n kunstenaersjdörp, woa ónder andere [[Jan Toorop]] wèrkde. 'ne [[Kruusweeg]] van häöm ies te zeen in de [[Bernulphus]]kèrk in dees plaats.

 

 

{{GemeintesGelderland}}

[[Categorie:Gelderland]]

 

[[de:Renkum]]

[[en:Renkum]]