Kloes op de Sjaatsberg: Versjèl tösje versies

[[Aafbeilding:KloesSjaatsbergwkped05.JPG|thumb|right|240px|Kloes op de Sjaatsberg]]

De '''De kloes op de Sjaatsberg''' ies 'n gebuuwke, dat gans allein sjteit, bove op de [[Sjaatsberg]] in 'ne bösj, kilomaetersj weg van de bewoonde waereld. Zoan gebuuwke, dat bewoond weurt door 'ne [[ièremiet]] of kloezenaer weurt [[kloes]] of hermitage geneump. De Sjaatsberg ies 'ne berg bie [[Oud-Valkeberg]] en [[Walem]]. De van [[mergel]] opgetrokke kloes haet 'n trapgevelke, 'n klokketeurentsje en sjpietsbaogvènsterkes. 't Besjteit oet 4 deile: twiè kemerkes mèt 'ne zölder d'r bove, 'n kapel en 'n lièger oetgeveurd koar mèt absis. Ónder ein van de kemerkes bevingk ziech 'ne kelder. Hie zou, volges 'n hardnekkig verhaol, 'ne vlöchgank oetkómme vanoet [[kesjtièl Sjaloen]] in Oud-Valkeberg. <br>

Get wiejer oastelik bevingk ziech 'ne boete[[kruusweeg]] oet 1843, ónder de buim. Ze bejsteit oet vièrtièn gebuuwkes van mergel, in 'ne krink opgesjtèld. In de miedde sjteit 'n [[calvarie]] van jónger datum.

[[Aafbeilding:KruusweegkloesSjaatsbergwkped05.JPG|thumb|right|240px|Boetekruusweeg achter de kloes op de Sjaatsberg]]

In 't gebuuwke liegke 2 kloezenaersj begrave: [[Laurens Plum]] (†in 1706) en Arnold Haesen (†in 1764). Achter d'n [[altaor]] in de kapel, zint moersjilderinge te zeen oet 1700. Dao hingk ein groat houte [[kruus]] oet de [[16e ièw]]. Tegen 't plafond ies 'n [[Christus]]monogram aangebrach en aafbeeldinge van de veer [[evangeliste]]. Neve 'ne sjpietse triomfbaog zint 2 [[ingel]]e gesjilderd.<br>

't [[Monogram]] ies waarsjienlik oet 1903, wie 'n restauratie plaatsvóng. Oet 1862 dateert 'ne binnekruusweeg in houte lieste. 'n Klein [[oksaal]] ies gemaak van eikehout.

[[nl:Kluis op de SchaelsbergSchaesberg]]