Aalsmeer: Versjèl tösje versies

'''Aalsmeer''' (plaotselek [[Hollands]] ''Buurt'') is 'n plaots en [[gemeinte]] in de [[Nederland]]se [[provincie]] [[Noord-Holland]], tege de grens mèt [[Zuid-Holland]], aon de rand vaan de [[Haarlemmermeer]], mèt op 1 juli 2006 14.539 inwoeners. 't Oppervlak bedräög 34,40 km², boevaan 11,71 km² oet water besteit. Aalsmeer is bekind es centrum vaan tuinbouw en heet de groetste blómmehandel vaan de wereld binne zien grenze.

 

Wie [[Almere]] heet ouch Aalsmeer, in [[1133]] veur 't iers geneump es ''Alsmar'', ziene naom waorsjijnlik te daanke aon e meer, boe me in de Middeliewe op [[iel]] (Hollands ''aal'' of ''paling'') visde. De ielvangs is iewelaank e bestoonsmiddel gewees en weurt tot op d'n daag vaan vaandaog op amateurbasis veurtgezat.

 

Wie ''Alsmar'' in 1133 geneump woort waor 't neet mier es e naat törfgebeed. In dit jaor weurt 't euvergedraoge aon de [[abdij]] vaan [[Rijnsburg]]. Dees donatie weurt in [[1199]] bevesteg. In de koumende iewe weurt in hoeg tempo de törf aofgegraove; heidoor kump Aalsmeer ummer mier in watergebeed te ligke en geit de landbouwgroond verlore. De meiste bewoeners sjakele euver op de vèsserij. In de nuien tied weure de versjèllende plasse weer ingepolderd. Es midde negentiende iew oetindelek ouch de Haarlemmermeer weurt droeggelag sjakelt de plaotseleke bevolking weer euver op de landbouw, in 't bezoonder op tuinbouw. Aalsmeer woort 'n belangrieke producint vaan [[eerbeis|eerbeize]] en zouw dat tot deep in de twintegste iew blieve. Later kaome ouch ander tuinbouwproducte op, boevaan de seerblómme de succesvolste waore. Tot de ier vaan dees bedriefstak woort in [[1962]] e standbeeld vaan de godin-personificatie [[Flora]] opgeriech.

 

* [http://www.aalsmeer.nl Website vaan de gemeinte]

 

{{GemeintesNoord-Holland}}

 

[[da:Aalsmeer]]

[[de:Aalsmeer]]