Kesjteël Èèsjde: Versjèl tösje versies
Verwijderde inhoud Toegevoegde inhoud
→Trivia: aanv |
|||
Tekslien 6:
==Besjrijving van 't kesjteël==
't Hujig kesjteël is geboewd in [[1636]], verboewd in [[1767]] en historiserend gerestereerd in 1881-1886. 't Besjteit oet tweë haoks op mekaar sjtaonde vleugele die aan de boetehook op 'ne oetsjprèngende zjwaore hooktaore aansjlute, dae weer geflankeerd wirt door 'n sjmaal traptäöreke. Allebei de taores zint veurzeen van 'n [[helmdaak]] mèt 'ne [[knóbbelsjpits]]. Aan 't oeteindj van de oasvleugel bevundj zich aeveneins ’n taore-achtig geboew mèt dao-in 'n paort mèt doorgank nao 't bènneplein. Baove dees paort bevundj zich 't jaortal van voltoajing van 't kesjteël en 't [[alliantiewaope]] van de femilies De Lamargelle en von Bocholtz. Ouch dezen taore haet 'n helmdaak mèt knóbbelsjpits. 't Geheël is hieëlemaol ómgrach wodoor 't es 'n waterkesjteël kènt waere gezeen. 't Kesjteël is geboewd in 'ne [[Maaslandse renaissance|Maaslands]]e, maniëristische sjtiel mèt gevels die allemaol riekelik zint veurzeen van mergelbènj in roaj baksjtein, vinsters die zint veurzeen van ómliestinge oet [[Naamse sjtein]] en 'n [[kroanlies]] gans oet mergelsjtein.
De verboewinge in 1767 pès 1770, oetgeveurd door de Luukse architect Etienne Fayn, betróf veurnamelik 't inwèndige van 't kesjteël en ómvatte sjtöcverseringe en betummeringe in [[Lodewijk XV-sjtiel]] op de begaone gróndj en gesjilderde baovendeursjtökke in de aetzaal. Later woort 't interieur en de bordestrap van de verdeping in [[Lodewijk XVI-sjtiel]] oetgeveurd. In 't kesjteël bevundj zich taeves 'ne sjaorsjteinmantjel afkómstig oet kesjteël [[Kesjteël Oâsj (Oêsj-Moarend)|Kesjteël Oâsj]].
| |||