Zuud-Limburgse haof: Versjèl tösje versies

De '''Zuud-Limburgse haof''', ouch geneump ''"Romeinse boerderie"'' en, '''carréboerderie'' of ''[[hièrlikheid|hièrehaof]]'' ies 'n boewwerk van 't gesjlote type. Veer, meistal blin gevele in carrévörm, weurewere gesjlote door 'ne poortvleugel, dae meistal euverkap ies.

't Gehièl maak in zien zuverste vörm de indrök van 'n vesting. Hie en dao 'n klein vènsterke, hoag bove de grónd. 'n Groate inriejpoort geuf toegang tot de groate binneplei. Sóms bevingk ziech in de poort 'n extra vootgengersjpeurtsje. Sóms ies d'r 'ne extra ingank veur 't vootvolk. 't Weerbare van zoane [[haof (boerderie)|haof]] zouw mèt opzat zoa zin oetgeveurd, es verdediging tege aanvallersj en [[bokkeriejer]]sj. Zuug ouch [[hièrlikheid]].

't Woonhoes., meistal eine zievleugel, besjteit oet 'n aantal achterein liegkende ruumdes. Aan de sjtraotkant de goow kamer, woa allein mèt hoagfièsdaag gezete moch weurewere of es [[pesjtoar]] op bezeuk kaom. Daoneve 'n gengske vanaaf de hoesdeur, ''de nere'' en de trap. De nere ies 'n keul ruumde woa vreuger de veurraod bewaard woort en woa de [[pötbaar]] sjting. Vanoet dat gengske geit 'n deur nao de woonkeuke woa ziech 't hoeselik leve aafsjpeelt. Daoneve bevinge ziech de sjlaopkamersj. Bie de groater häöf ies d'r nog 'n verdeping mèt extra sjlaopkemerkes. Bie kleiner geboewe weurt de ruumde bove keuke en kamer gebruuk es bergzölder veur zièzaod.