Drie keuninge: Versjèl tösje versies

De '''drie keuninge''' zint drie magieërsj of sjterregelièrde oet 't oaste, die naodat [[Jezus]] waor gebore in [[Bethlehem]] bie häöm op bezeuk ginge. Dat weurt besjreve door de [[evangelis]] [[Mattheus]] in 't [[Nuuj testament]]. De viering vingk plaats op [[6 januari]], 12 daag nao [[Kaersjmes]]. 'ne Andere naam ies ''daartièndaag''. De naam van 't volksfiès ies ouch ''driekeuninge''.

 

De gesjinke, die zie bie ziech houwe bie 't bezeuk aan Jezus waore mirre (Balthasar), goud (Melchior) en wierouk (Caspar).

[[Aafbeilding:Dreik%C3%B6nigsschrein_im_Dom1.JPG|thumb|left|Driekeuningesjrien in de dóm]]

 

De drie keuning zint besjerm[[heilige]] tege koppien, vallende krenkde en veur gevaore op reis. In [[Kölle]] koeste luuj, die van plan waore op reis te goon 'n zoa geneump ''driekeuningebreefke'' ophole, dat hun zouwe besjerme tege hóndsdölheid.

't Familie-ete op dezen daag herinnert aan de broelof van Cana (besjreve in de [[biebel]]), die ouch op dezen daag herdach weurt.

't Gebruuk um 'ne keuning te keze door 'n boan ies 'n euverbliefsel oet de heidense saturnalië (Romeins volksfiès van 17-23 december). In [[Roame]] woort ter gelegenheid van die fièste 'ne keuning gekoze door loting of door 't trèkke van 'n boan oet 'n wan. Es deze boankeuning 'ne sjlaaf waor, dan waor ziene hièr verpliech häöm einen daag te dene.

 

Dat gebruuk weurt tot noe toe in ière gehoute. Sóms weure breefkes getrokke es loting of weure [[sjpeelkaarte]] verdeild: de harte keuning waor dan keuning en harte dam de keuningin. De tiedelike keuning haet 't de res van d'n daag veur 't zègke.

 

Ouch weurt door kinger saoves langs de deure gegange ónder 't zinge van 'n oud [[volksleedsje]]: 'n driekeuningeleedsje. Van de toehuèrdersj kriege ze dan 'n paar cente of van alles lekkersj mèt.

 

 

Driekeuninge driekeuninge geef miech eine nuje hood.

 

[[sv:Tre vise männen]]

[[tl:Tatlong Haring Mago]]

[[uk:Три царі]]

[[zh:東方三博士]]