[[Aafbeilding:LocatieThorn.png|thumb|ThoearToear kort veur zien opheffing]]
'''ThoearToear''' (op z'n Hollands '''Thorn''', daodoor ouch dèks '''Thoear''' gesjreve) is e stedsje in de Midde-[[Nederlands Limburg|Limburgse]] gemeinte [[Maasgoew]] mèt 2.600 inwoeners (1 augustus 2006). Häöre bijnaom is <i>'t Wit Stedsje</i>, vaanwege de witte mör die väöl hoezer in 't centrum höbbe. ThoearToear ligk aon de [[Belsj|Belzje]] grens, kortbij [[Kèsing|Kaesing]].
ThoearToear is aon 't eind vaan de [[tiende iew]] oonstande roond e [[Benedictinesse|benedictinessekloester]]. Dees abdij greujde in de Riddertied oet tot 'n [[stif]], later zelfs tot e vorstedom, 't kleinste vaan 't [[Heileg Roems Riek]]. In [[1354]] kraog 't pläötske stadsrechte. Nao de [[Tachtegjaoregen Oorlog]] bleef 't bestoon, tot de Franse bezetting in [[1797]] 'n ind draon maakde. Tösse [[1830]] en [[1839]] waor de plaots in Bèlzje han. Sins 1 januari [[2007]] maak ThoearToear deil oet vaan de nui gemeinte [[Maasgoew]], boe-in wijer nog [[Brach]] en [[Hael]] opgónge. Op 't memint vaan häör opheffing waor de gemeinte ThoearToear mèt 2600 inwoeners, 'n oppervlak vaan 6,60 km² en gein ander kerne es ThoearToear zelf wiedoet de kleinste gemeinte van Nederlands Limburg.
==Harmonieorkeste==
ThoearToear is internationaol bekind um 't hoesveste vaan twie op hoeg niveau speulende [[harmonie]]orkeste, boetösse 'n serieus rivaliteit besteit: de [[Koninklijke Harmonie]] (de "bök") en de [[Harmonie St.-Michaël]] (de "geite"). Dees twie orkeste bepaole 't gaans dörpsleve. In [[1999]] zien 't dörp en zien twie orkeste geportretteerd in de [[documentair]] ''Bokken en geiten'' vaan Hans Heijnen, dee gaans in 't ThoearsToears dialek gesproke is.
