Assen: Versjèl tösje versies

'''Asse''' (Nederlands '''Assen''') is de [[hoofstad]] vaan de [[Nederland]]se [[provincie]] [[Drente]] en vaan die provincie de twiede groetste gemeinte in inwoeners, nao [[Emme]]. 't Aontal inwoeners bedroog per 1 januari [[2005]] 62.645, en 't oppervlak is 89 km², wat 't daorin weer tot bekans de kleinste Drentse gemeinte maak. Boete de kèrn Asse kint de gemeinte nog 't dörpke [[Loon (Drente)|Loon]] en 'n aontal gehuchter. Börgemeister is ([[2005]]) [[Dineke van As-Kleijwegt]] vaan de [[PvdA]].

 

Asse hoesves 't gouvernemint vaan de provincie en 'nen tribbenaol, en heet same mèt Emme 'n functie es regionaal verzörgingcentrum. Asse steit wel in de sjaduw vaan 't kortbij [[Groninge (stad)|Groninge]], wat väöl groeter is.

 

Asse is 'n aajd dörp wat pas vaanaof de [[negentiende iew]] tot stad oetgegreujd is. Daorum is 't centrumke klein en ligk 't roond 'ne [[brink]]. Aon dee brink ligke 't veurmaoleg provinciehoes en 'n abdijkèrk. Eve noordeleker ligk de [[neogotiek|neogotischen]] tribbenaol. 't [[Asserbos]] ligk binne de bebouwing vaan de stad, die tamelek ruim is opgezat.

 

In [[1258]] woort op de plek vaan de moderne brink e [[kloester]] gevesteg, daoveur gehoesves in [[Coevorden]]. In [[1602]] woort 't kloester opgeheve en woort 't es wereldlik machscentrum, naomelek veur de staote vaan 't gewes Drente, ingeriech; in die iew oontstoont ouch de ierste bewoening. Vaanoaf de [[achtiende iew]] woort 't 'n groet dörp en in [[1809]] kraog 't zelfs [[stadsrechte]] vaan [[Lowie Napoleon]], dee hei zien zomerresidentie had. In [[1814]] woort 't de hoofstad vaan de provincie Drente. De groete nuibouw kaom begin twintegste iew op gaank.

 

* [http://www.assen.nl/ Website vaan de gemeinte]

{{GemeintesDrente}}

[[nl:Assen]]

[[nn:Assen]]

[[oc:Assen]]

[[pl:Assen]]