In dit gegantisch riek woorte väöl [[taal|taole]] gesproke, meh twie taole waore vaan algemein belang: 't [[Latiens]] in 't wèste en 't [[Aajdgrieks|Grieks]] in 't hellenistische ooste. De bestuurders en intellecteel elite spraoke alledei de taole es ''[[lingua franca]]''.
De Romeine behierste dat groet gebeed door 'n "[[verdeil en heers]]" poletiek. SommigeSommege börgers die leyaal mètwerkte krege 't fel begeerd [[Romeins börgerrech]]. Merkweerdeg in dat verband is de hendege meneer boe-op de Romeine mèt cultuur en gòdsdeens umginge: de Romeine naome de "nui" gode vaan ingelijfde volker mekelek op in hun [[Pantheon]] en zoelang es m'n de keizer (Rome) mer erkinde (en de bijbehurende pliechte vervulde) kos m'n weijer met de eige cultuur en gòdsdeens neve andere leve. Neve e superieur leger is dit de groondslaag veur de "[[Pax Romana]]" dee toch iewelaank 'n zeker rös brach en de handel en weitensjap bevorderde. De Romeine wiste de tejeretische basis, gelag door de Grieke, door hun groet pragmetisme te benötte en stoon bekind es de ierste èch gooi organisators of, zoe wie'd g'r wèlt, de ierste groete [[opportunisme|opportuniste]].
