Cleopatra VII: Versjèl tösje versies

Naodat [[Octavianus]], rivaal vaan Anthonius en wetteleke opvolger vaan Caesar, de volle mach vaan [[Romeins Riek|Rome]] tegte Egypte aonbrach, benaom Cleopatra ziech vaan 't leve op [[12 augustus]], [[30 v. Chr.]]. Häör naolaotensjap euverleefde in de vörm vaan väöle dramatiseringe vaan häör verhaol, boe oonder [[William Shakespeare]]'s ''[[Anthony and Cleopatra]]'' en versjèllende moderne [[film]]s.

 

Cleopatra (Grieks veur ''Vaoders glory'') waor de derde dochter vaan keuning [[Ptolemeus XII|Ptolemeus XII Auletes]] en nao ziene doed in [[51 v. Chr.]] volgde zie häöm op same mèt häör broor [[Ptolemeus XIII]]. Zie trowde met häöm en consemeerde 't huwelek um häöre greep op de troen te verstevige.

 

Al gaw kaom d'r ooneinigheid in 't huwelek, es Cleopatra ziech steeds mie ging affisjere es de alleinheerser vaan Egypte, door decrete allein oet te geve en munte te sloon zoonder zoonder de naom vaan häör broor/echgenoot d'r op. In reactie pleegde 'nne groop vaan hoflui, oonder aonvooring vaan de [[eunuch]] [[Pothinus]], 'n staotsgreep en verdreef Cleopatra oet Egypte.

 

Caesar euverwinterde in Egypte, en Cleopatra maakde dao good gebruuk vaan door zien minnares te weure. Dao-oet kaom 'nne zoon genaomd [[Caesarion]], Grieks veur ''kleine Caesar''. Evels, Caesar weigerde 't keend te erkinne en adopteerde [[Octavianus]] es ziene zoon. Cleopatra en Caesarion waore op bezeuk in Rome zjus toen Caesar vermoord woort, boenao zie trök nao Egypte vluchte. Dao steerf kort daonao Ptolemeus XIV, waorsjijnlik vergiftegd door Cleopatra. Zie benumde häöre zoon Caesarion snel tot co-heerser.

 

In [[42 v. Chr.]] reep Marcus Anthonius, ein vaan de [[triumvir]]s die aon de mach waore in Rome in 't machsvacuum nao d'n doed vaan Caesar, Cleopatra bij ziech in [[Tarsus]] um häör te oondervraoge euver häör loyaliteit. Cleopatra kaom dao aon met e groet gevolg, en zie charmeerde Anthonius zoeveul, dat heer d'r veur koos um de winter vaan [[42|42 v. Chr.]] - [[41 v. Chr.]] in Alexandrië met häör door te bringe. Tiedes deze winter woort zie zwanger vaan 'nne twieling, die Cleopatra Selene en Alexander Helios genump woorte. Veer jaor later kaom Anthonius nog es langs, op weeg um oorlog te voere met de [[Parthe]], en zie vernuide hun relatie. Vaanoaf dat memint zow Alexandrië zien thoes zien.

 

Oondertösse greuide in Rome 't oongenoege euver Anthonius zien in hun ouge sjendaolig gedraag. Octavianus euvertuigde de Senaat um 'nne oorlog tege Egypte te beginne. In [[31 v. Chr.]] stoonte de legers vaan Anthonius tegeneuver de Romeine in 'ne zieslaag veur de kös vaan Actium. Cleopatra waor dao met 'n vloot vaan häör eige, meh toen zie zaog dat Anthonius d'n slaag aon 't verleere waor, vluchte ze. Nao de [[Slaag bij Actium]] veel Octavianus Egypte binne. Toen heer Alexandrië naderde deserteerde de legers vaan Anthonius euver naor de kant vaan Octavianus. Zoewel CLeopatra es Anthonius pleegde zelfmoord, Cleopatra door ziech door 'n slang te laote vergiftege. Cleopatra's zoon vaan Caesar, Caesarion, woort geëxecuteerd door Octavianus. De drei kinder vaan Cleopatra en Anthonius woorte gespaord, trökgenome naor Rome en opgevood door de vrow vaan Anthonius, Octavia.

 

*[http://www.isidore-of-seville.com/cleopatra/ Cleopatra on the Web] - Zoe'n 470 bronne, awwe en moderne aofbeelding incluis.

*[http://www.tyndale.cam.ac.uk/Egypt/ptolemies/cleopatra_vii.htm Cleopatra VII Philopator Antieke bronne]

*[http://www.gutenberg.net/browse/BIBREC/BR10992.HTM Cleopatra] - 'n Victoriaans kinderbook vaan [[Jacob Abbott]], 1852, [[Project Gutenberg]] editie.

*[http://www.geocities.com/christopherjbennett/ptolemies/genealogy.htm Genealogie vaan Cleopatra VII]

*[http://penelope.uchicago.edu/~grout/encyclopaedia_romana/miscellanea/cleopatra/cleopatra.html James Grout: ''Cleopatra'', deil vaan de Encyclopædia Romana]

 

*[http://penelope.uchicago.edu/pseudodoxia/pseudo512.html Sir Thomas Browne: Sjelderij euver d'n doed vaan Cleopatra] (1672)

*[http://penelope.uchicago.edu/oddnotes/cleoinencaustic/cleopatraencaustic.html John Sartain: 't Antieke portret vaan Cleopatra] (1818)

 

[[Categorie:Keuninginne]]

[[Categorie:Egyptische audheid]]

 

[[ar:كليوباترا السابعة]]

[[ku:Kleopatra VII.]]

[[la:Cleopatra VII (regina Aegypti)]]

[[lt:Kleopatra VII]]

[[lv:Kleopatra]]