Anderlech: Versjèl tösje versies

{{dialek|Valkebergs}}

'''Anderlech''' (officieel '''Anderlecht''') ies 'n gemeinte in 't [[Brussels Hoofsjtaejelik Gewes]]. De gemeinte haet 'n oppervlak van 17,74 km² en 't aantal inweunersj ies 93.808 (1 januari 2005). Anderlech ies, zoawaal nao oppervlak es nao bevolking, de op twiè nao groatste gemeinte van 't gewes, nao [[Brussel]] en [[Schaarbeek]]. Anderlech liek ten zuud-weste van 't sjtadscentrum van Brussel, aan de [[Zenne]] en 't [[Kanaal Brussel-Charleroi]]. De gemeinte ies veural bekènd vanwege de vootbalcluub [[RSC Anderlecht]].

 

 

==Sjtadsbeeld en bezeenswaerdighede==

Anderlech haet 'n van oorsjprónk [[mieddelièwe|mieddelièwse]] dörpskern mèt 'n aantal bezeenswaerdige geboewe. 't [[Erasmushoes]], 't veurmalig kapittelhoes "De Swaene", woa [[Desiderius Erasmus]] in 1521 verbleef bie ziene vrund Pieter Wyckman, ies allewiel e museum mèt ónder andere historische oetgaves van zien werk. De Sint-Pieter-en-Sint-Guidokèrk ies in de 14e en 15e ièw in [[gotiek|gotische]] sjtiel geboewd. De kèrk haet 'n aantal laat-gotische moersjilderinge en ies geboewd op 'n [[Romaanse sjtiel|Romaanse]] [[crypte]] oet de 10e ièw. 't [[Begienhaof]] woort gesjtiech in [[1252]], meh de geboewe die d'r allewiel sjtoont datere oet de 17e ièw.

 

 

==Historie==

In Anderlech haet me reste oet de [[Bronstied]] en de late [[Iezertied]], 'ne [[Romeine|Romeinse]] [[villa]] en 'n [[Merovinge|Merovingische]] begraafplaats gevonge.