Leiden: Versjèl tösje versies

{{dialek|Mestreechs}}

'''Leie''' (AN '''Leiden''', dialektisch ''Laie'') is 'n stad 'n [[Zuid-Holland]], bij [[D'n Haog]], en nao [[Rotterdam]], D'n Haog en [[Dordrech]] de veerde stad vaan de provincie. Ze had op [[1 januari]] [[2004]] 118.702 inwoeners.

 

Leie is vaanajds 'n industriestad, meh toch in d'n ierste plaots studentestad. Hei woort in [[1575]] de ierste [[universiteit]] vaan [[Nederland]] geëupend, de noe nog bleujende [[Universiteit van Leiden]]. De stad herberg 'n aontal musea vaan nationaal belaank, wie 't Rijksmuseum van Oudheden, 't Rijkmuseum voor Volkenkunde, Naturalis en de Botanische Hove, die al veerhoonderd jaor veur de studente aon de universiteit weurt oonderhawwe en väöl publiek trèk.

 

Leie heet 'n bezeenswierdeg centrum mèt bezoonder väöl grachte. Aon 't Rapenburg stoon väöl professorshoezer. De Pieterskèrk is bekind vaan universitair [[oratie]]s, beveurbeeld bij 't oetgeve vaan [[honneursdoctoraat|honneursdoctorate]]. De Marekèrk oet [[1639]] is, mèt de [[Middelburg]]se Ooskèrk, ei vaan de weineg veurbeelde vaan veurnaom kèrke die tösse de [[Middelieuwe]] en de [[negentiende iew]] woorte gebouwd. Sjutspetroen is [[Petrus|St.-Pieter]], vaandaor tot 't blazoen vaan Leie twie sleutels bevat.

 

Sins [[1992]] weure, veural in 't centrum, meh ouch wel daoboete, op blin mör gediechter in versjèllende taole gesjèlderd, die ouch de kleiner sträötsjes en gètskes bezeenswierdeg make.

 

Leie claimde oets 't Roemeins ''Lugdunum Batavorum'' te zien; oonderzeuk heet eindudeg oetgeweze tot 't dat neet waor; dees plaots laog örges bij 't modern [[Katwijk]]. In weze oontstoont de plaots pas in de [[Middelieuwe]] es dörp aon de Riendiek. In [[1266]] kraog 't [[stadsrechte]] en 't oontwikkelde ziech lankzaam tot twiede stad vaan [[Holland (graofsjap)|Holland]] door zien bleujende lake-industrie. In [[1420]] woort de stad nao e beleg vaan twie maond door de [[Hookse en Kabeljouwse Twiste|Kabeljouwe]] oonder aonveuring vaan [[heertog]] [[Jan van Beiere]] vereuverd.

 

<!--Es emes mie wèt euver de Leise historie nao 1700, daan hej iech gere tot dee miech help...-->

 

* [[Floris V van Holland]], graof

* [[Ilja Pfeiffer]], diechter

* [[Eric van Hoof]], diechter

 

* [http://www.leiden.nl/ Homepage vaan de gemeinte Leie]

* [http://www.leiden.nu/ Leiden.NU - Cultuur, eveneminte en oetgoon]

 

{{GemeintesZuud-Hollandj}}

{{Link FA|af}}

 

[[af:Leiden]]

[[tr:Leiden]]

[[uk:Лейден]]

[[vo:Leiden]]

[[zh:莱顿]]