Vlaardingen: Versjèl tösje versies

[[Aafbeilding:LocatieVlaardingen.png|thumb|Ligking vaan Vlaardinge in Zuid-Holland]]

'''Vlaardinge''' (officieel '''Vlaardingen''') is 'n stad en [[gemeinte]] in de [[Nederland]]se provincie [[Zuid-Holland]], aon de [[Nui Maos]], bij [[Rotterdam]], tösse [[Schiedam]] en [[Maassluis]]. De gemeinte heet 'n oppervlak vaan 26,71 km², boevaan 2,90 km² water. Per 1 juni 2005 heet de gemeinte 72.660 inwoeners. Vlaardinge heet gein ander kèrne; aw dörper en naobersjappe, wie Vlaardingerambacht en Holy, zien allaank in de stadsbebouwing opgenómme.

Allewijl is Vlaardinge in de ierste plaots 'n forenzestad veur Rotterdam, beveurbeeld veur havewèrkers. Vlaardinge is es echte veurstad oetzoonderlek steidelek vaan karakter: 't heet mier es 3000 inwoeners per veerkante kilometer.

 

In Vlaardinge weure jaorleks de [[Geuzepenninge]] oetgereik.

[[Aafbeilding:Raadhuis Vlaardingerambacht in 1978.jpg|thumb|Veurmaoleg raodhoes vaan Vlaardingerambacht; noe gemeinte-arsjief]]

Vlaardinge is 'n aw stad en bewoert nog e paar aw monuminte, wie de Groete Kèrk, de Aw Merret, de [[meule]] Aeolus en 't aajd raodhoes vaan Vlaardingerambacht. De eineg neet-bebouwde groond in de gemeinte is de Broekpolder, dee door opspoeting mèt (vergifteg) slib oet de Rotterdamse have neet bebouwd moch weure (vergliek Maassluis).

 

Oet opgravinge is gebleke tot 't gebeed um Vlaardinge al in de late [[Steintied]] bewoend waor; me sprik wel vaan de ''[[Vlaardinge-cultuur]]''. In de [[Roemeinsen tied]] huurde 't tot 't kèrngebeed vaan de [[Bataviere]]. Me heet dao reste vaan 'nen [[dam]] gevoonde, die tot de aajdste veurbeelde vaan damme in 't land huurt. Nao 't vertrèkke vaan de Roemeine evels bleef 't gebeed tot aon de [[achste iew]] oonbewoend, tot me in [[726]] in dit gebeed e kèrkske stiech, boerum 't dörp Vlaardinge oontstoont. In [[985]] leet graof [[Dirk II van Holland]] hei 'ne hoof bouwe; Vlaardinge is daomèt in 't Maasland ein vaan de aajdste plaotse. In [[1018]] en [[1047]] versleit de graof d'n Duitse [[keizer]], dee [[Holland]] sjatpliechteg aon [[Worms]] wouw hawwe; noe kós heer zien eige belastinge inne en woort Holland de facto oonafhenkelek. In [[1163]] euverstruimde Vlaardinge tijens 'ne störm; dit beteikende 't ind vaan zien leiende rol, die 't mós aofgeve aon [[Dordrech]].

 

In de twintegste iew greujde de stad es oetwiekgebeed veur Rotterdam ummer wijer aon. In [[1941]] woort Vlaardingerambacht bij Vlaardinge gevoog.

 

* [[Agnes van Ardenne]], politica

* [[Wouter Bos]], politicus

* [[Roel Pieper]], oondernummer

 

http://www.vlaardingen.nl/

 

{{GemeintesZuud-Hollandj}}

[[Categorie:Zuud-Holland]]

 

[[sv:Vlaardingen]]

[[tr:Vlaardingen]]

[[vo:Vlaardingen]]