Toontje Lager: Versjèl tösje versies

Verwijderde inhoud Toegevoegde inhoud
Nederlandstaolege popgroop oet de jaore '80
 
Tekslien 28:
Dit verandert in 1982, es de Nederlandstaolege muziek mainstream weurt. Doe Maar, Toontje Lager en [[Het Goede Doel]] breke oongeveer tegliek door en stoon de twiede helf vaan 1982 en (veural) de ierste helf vaan 1983 aon d'n top. 't Singlesucces vaan Toontje Lager blijf besjeie: d'n doorbraok ''Net als in de film'' kump op plaots 31 vaan d'n Top 40; de groetste hit ''Stiekem gedanst'' kump neet hoeger es 8. De elpees, veural ''Stiekem dansen'', doen 't beter: deze en ziene veurgenger ''Erop of eronder'' weure goud (>50.000 stökker verkoch). E wijer radio-succeske is ''Ben jij ook zo bang'', wat in de tipparaad blijf haange meh boevaan de b-kant ''In gedachten'' tot "b-kant vaan 't jaor" weurt oetgerope. In 1983 krijg de band (zjus wie collega's Het Goede Doel) vaan de stiechting Conamus 'n Zèlvere Harp.
 
Oonder de groete drök vaan 't succes verlaote dat jaor Gerard de Braconnier en Huub van Melick de band. De hype roond Toontje Lager liekent daan wel veurbij: ind 1983 en laoterlater maak de band gein hits mie. De concerte blijve evels wel allemaol oetverkoch. In aprèl 1984 stop bovedeen Doe Maar demèt, wat 'n drastische vermindering in de aondach veur Nederlandstaolege pop beteikent. De elpee ''Even goede vrienden'', oetgebrach in 1984, haolt neet 't succes vaan zien twie veurgengers. 't Definitief ind kump es creatief middepunt Bert Hermelink in 1985 de band verliet.
 
Nao 't oetereinvalle vaan Toontje Lager begint Erik Mesie aon 'n solocarrièr. Zie groetste succes weurt de new wave-hit ''Zonder jou'' ('n vertaoling vaan ''Ohne dich'' vaan [[Münchner Freiheit]]), wat in 1986 op de achste plaots kump (in e jaor boerin Nederlandstaolege pop 't slech deit). Laankdorege populariteit hèlt 'r evels neet vas. In de jaore negeteg koume de leie vaan de band aof en touw weer bijein veur reünieconcerte. De plaotemaotsjappij brink dao-op hun albums oet op cd. Dit herhaole ze in de ierste tien jaor vaan de 21e iew. Bert Hermelink sjrijf aof en touw werk veur ander artieste. Basgitaris Leon Giesen nump in 2004 same mèt [[Jack Poels]] van [[Rowwen Hèze]] 't album ''Holland America Lijn'' op.
Aafkomstig van Wikipedia, de Vriej Encyclopedie. "https://li.wikipedia.org/wiki/Toontje_Lager"