Alkmaar: Versjèl tösje versies

{{dialek|Mestreechs}}

'''Alkmaar''' ([[Westfries]]: ''Alkmare'') is 'n stad in 't hart vaan de [[Nederland]]se provincie [[Noord-Holland]] mèt op 1 januari [[2004]] 94.121 inwoeners. Neve de stad Alkmaar bevat de gemeinte de dörper [[Koedijk]], [[Omval]] en [[Oudorp]]. Alkmaar is 't verzörgingcentrum vaan de kop vaan Noord-Holland en nao [[Amsterdam]] en [[Haarlem]] de groetste stad vaan die provincie. De stad weurt um häör steidesjoent en de folkoristische kiesmerret (edersvriedeg) door väöl toeriste bezoch.

 

De stad heet 'n aontal intersante kèrke, wie de Sint-Laurenskèrk, de Kapelkerk en de [[neogotiek|neogotische]] Sint-Laurenskèrk vaan [[P.J.H. Cuypers|Cuypers]]. 't Bekindste gebouw is evels wel de Wieg, aon de Groete Merret, boe me vriedegs de kiesmèrret hèlt. Ouch 't stadhoes is intersant. Wijers is in 't Alkmaars centrum weineg gesloop, wat de ganse binnestad hiel zeenswierdeg maak.

 

Alkmaar is in de [[elfde iew]] veur 't iers geneumd, rissorterend oonder [[Heiloo]]. In de [[twelfde iew]] laog 't in de frontlinie vaan de strijd tösse de [[Holland]]ers en de Wes-Frieze. De Hollandse graof gaof de plaots in [[1254]] [[stadsrechte]]. In [[1492]] woorte de privilezjes evels gesjort, umtot de stad aon de [[Rebellie vaan 't Kies- en Broedvolk]] mètdeeg. In [[1573]] woort de stad door d'n [[Heertog vaan Alva]] belag; zoonder succes evels - me sprèk in de historiesjrieving vaan ''Van Alckmaer de victorie''. Dit waor 't kierpunt in d'n [[Tachtegjaoregen Oorlog]]. In de [[zeventiende iew]] maakde me de mere in de umgeving droeg, wat tot de bleuj vaan de stad bijdraog. Evels kós de stad neet in de Zuiderzeehandel participere, zoetot de stad in de sjaduw vaan [[Enkhoeze]] en [[Hoorn]] kaom te stoon. In de [[negentiende iew]] oontwikkelde ze ziech wier bove die oet, door de ontwikkeling vaan spoorweeg en 't grave vaan 't [[Noordhollands Kenaal]] en zien strategische ligking dao-aon, midde in 't land.

 

[[Categorie:Noord-Holland]]

 

[[fy:Alkmar]]

[[nds-nl:Alkmaar]]