Bilbao: Versjèl tösje versies

[[Plaetje:Bilbao, Spain location.png|thumb|Ligging va Bilbao i Sjpanje]]

 

 

Óngevaer 64 kilomaeter te zuje va Bilbao likt de Baskische hoofsjtad [[Vitoria-Gasteiz]]. Anger groeëte sjaej i g'n ómgaeëving zint [[Donostia-San Sebastián]] (± 94 kilomaeter oeëstelik) en [[Santander]] (± 95 kilomaeter westelik).

Doer de sjtad sjtruimt de revier de [[Nervión]], die hie 'n [[estuarium]] vórmt. Ómdat dizze revier vlak vuur de sjtad mit de [[Ibaizabal]] samesjtruimt, die mieë water aa-veurt, neume sómmige de revier doer Bilbao de Ibaizabal.

 

Bilbao woert op 15 juni [[1300]] gesjtich doer Don [[Diego López V de Haro]], Hier va Biskaje. Dae sjtichde de sjtad aa g'n uëverziej van d'r revieroever woeë al 'n klein vösjesjplaatsj gelaeëge waor dat huuj es "Oud-Bilbao" (Baskisch: ''Bilbo Zarra'', Sjpaans: ''Bilbao la Vieja'') bekind sjteit. Woeë d'r naam van de sjtad precies va kumt wit me neet ziëker, volges sómmige kumt 't va ''"bel vado"'', oud Sjpaans vuur "goje uëversjtieëk", meh angere dinke dat 't oet 't Baskisch kumt; ''"bi albo"'', dat "twieë [[oever|oevesj]]" beteikent.

 

In 't begin besjtóng de sjtad oet sjlechs e paar sjtraote en de [[Santiagokathedraal (Bilbao)|Santiagokathedraal]] (die pas i 1950 officieel es [[kathedraal]] is verklaord). Aan 't begin van de 15e ieëw houw Bilbao 3000 i-woeënesj. Vanaaf 1511 woert Bilbao 'n belangrieke havesjtad, ieësj vuur d'r export va [[wol]] en later tiedes de [[Sjpaanse kolonisatie]].

 

Bilbao sjloot zich aa bie d'r [[Twiëde Sjpaanse Republiek]] tiedes d'r [[Sjpaanse Börgerkreeg]] en waor de hoofsjtad van de ieësjte [[Baskische regering]], geleijd doer [[José Antonio Aguirre]]. 'n Groeëte verdeidigingswal woert rónd de sjtad geboewd, mit zjwaor artillerie en e groeët aantal bunkesj die mit väöl kilomaetesj aa tunnele mit-ei i verbinging sjtónge. Óndanks dit bezjweek Bilbao op 19 juni [[1937]] vuur [[Franco]]'s troepe. In de jaore daonao kreeg de Baskische cultuur te make mit 'n zjwaor periode van óngerdrökking.

 

[[Plaetje:Guggenheim bilbao02.jpg|thumb|'t [[Guggenheim Museum (Bilbao)|Guggenheim Museum]]]]

 

De [[Santiagokathedraal (Bilbao)|Santiagokathedraal]] is e boewwirk dat al bestóng in d'r tied dat Bilbao nog mer 'n klein vösjesjplaatsj waor. D'r tempel is gewiejd aan de apostel [[Jacobus de Meerdere|Jacobus]] (''Santiago'' in 't Sjpaans) en likt op ein van de [[pelgrim]]sroutes nao [[Santiago de Compostela]].

 

'n Anger opmirkelik boewwirk is de [[Zubizuri]], 'n vootgengesjbrök uëver de revier de Nervión, óntwórpe doer d'r architect [[Santiago Calatrava]].

 

* [http://www.bilbao.net/ Officieel website va Bilbao]

 

{{Commons|Bilbao}}

 

[[Categorie:Spanje]]

 

[[an:Bilbau]]

[[tl:Bilbao]]

[[tr:Bilbao]]

[[uk:Більбао]]

[[vi:Bilbao]]