Ten Esje: Versjèl tösje versies

Verwijderde inhoud Toegevoegde inhoud
K gemeintesjabloon
aanv.
Tekslien 3:
'''Ten Esje''' (Nederlands: Ten Esschen) ies e dörp op 't plateau in [[Nederlands Limburg|Zuud-Limburg]], dat saer de herindeling van 1982, in de [[gemeinte]] [[Heële]] liek. Liègeraaf löp de [[Gelaenbaek]].
 
De beboewing van Ten Esje bevingk ziech ingeklemp tösje de autobaan A67 en de N281. Die beboewing besjteit oet [[boerderie|häöf]] en hoezer. Aan de Esschenwaeg, mèt lintbeboewing, sjteit, in 'ne tuin mèt zietbanke, 'n [[kapel (geboew)|baekapel]] in [[kundersjtein]] gewiejd aan [[Maria]]. Op 'n krusing in 't "centrum" sjteit tege 'n hookhoes 'n [[helsjtein]]e kapel mèt 'n groat [[kruus]] woa-op 'n [[christus]]figuur en in de aafgesjlote nis bevingk ziech 'ne [[piëta]]. Op de sokkel sjteit de teks: "BID VOOR DIE SEELEN IN DVAGEVIER ANO 1767 C.I."
 
In de buurt van ’t hièrehoes [[De Struyver]], dat in de 14e ièw in de archieve geneump weurt, liek ‘n [[motte]] mèt ’n doorsjnee van 35 maeter, umgeve door ’n grach. De gesjlote [[carréboerderie|haof]] de Struver, mèt ’t jaortal 1742, haet ‘ne binneplei mèt moere van baksjtein en [[sjpeklaog]]e. ‘ne Andere naam ies ''Groot Geitsbach''.
 
[[Prickenis]] ies ‘ne gesjlote hièrehaof mèt ’n wietgeverf hoofgeboew ónder e wolfsdaak. In de sjmale veurgevel bevinge ziech 4 vènstere en ‘ne gevelsjtein mèt ’n aafbeelding van ‘ne [[ridder]] en de teks “Prickenis 1381”. Links sjteit e lièg rónd teureke mèt sjpiets. De hudige boew dateert oet de 17e en 18e ièw.
 
Ander boerderieje zint de 18e ièwse [[Esjenberg]] en de gesjlote haof [[Euverlotbrook]] (Overlotbroek) (18e ièw)
 
 
'n [[Watermeule]] geneump de oliemeule, in [[vakwerk]], liek aan de Gelaenbaek in de buurt van [[Geweusterao]]. Ze sjtamp oet de 17e ièw en huèrt bie [[kesjtièl Revere]] (Rivieren).
 
 
[[Categorie:Heële]]
[[Categorie:gehuch in Nederlands Limburg]]
{{GemeinteHeële}}
[[nl:Ten Esschen (buurtschap)]]
Aafkomstig van Wikipedia, de Vriej Encyclopedie. "https://li.wikipedia.org/wiki/Ten_Esje"