Rock-'n-roll: Versjèl tösje versies
(gei versjil)
|
Versie op 28 fib 2009 12:22
Rock-'n-roll (ouch wel voloet rock and roll, en in 't Limburgs soms Rok & Rool of Rock en Rool) is de noam vaan 'ne meziek- en 'ne dansstijl dee in de jaore 1950-60 in Amerika opkwam.
De meziek
Es meziekstijl is 't 'ne stijl in de Popmeziek wao in väölal gebroek weurt gemaak vaan zang (dèks mierstummig), elektrische gitare, saxofoon (in de beginjaore) en drumstel.
E kinmerkend facet is de stèrke afterbeat (op de twiede en veerde tèl in e 4/4-maat). 'T combineert invlode oet boogiewoogie, jazz, r&b, folk, gospel, country en blues.
De naom
Men geit ervaanoet dat de Amerikaanse diskjockey Alan Freed degene waor dee de term rock-'n-roll veur 't ierst gebroekte in zien radioprogram um de nuije mezieksoort aon te duije. Heer oontliende de noam oan 't nummer "My Baby Rocks Me with a Steady Roll". De noam woort in eder geval in 1947 al gebroek en mos al in de joare '20 zien opgedoken in 't 'slang' vaan de zwarte Amerikanen: de term stong toen veur de geslachtsdoad.
'T begin
De ierste rock-'n-rollnummers weurde opgenomme door zwarte artiesten zoe es Chuck Berry. Euver 't algemein woort Rocket 88 ('ne oto) vaan Jackie Brenston and his Delta Cats, opgenomme op 3 maart 1951, besjouwt es de ierste echte rock-'n-rollplaat. 'T nummer steit op noam vaan Jackie Brenston, mer Ike Turner is de werkeleke componist en met zien band The Kings of Rhythm ouch de werkeleke oetveurende. De bekindste artiest oet de Rock-'n-Roll woar natuurlijk Elvis Presley.
Einde
De rock-'n-rollperiode eindigde in Amerika umstreeks 1959. De veur dee tied ruige rock-'n-roll verdween in de VS en d'r woar oonder aandere door de invloed vaan de tv (American Bandstand) behoefte oan nette, good oetzeende en blanke zengers, zoe es Pat Boone en Tab Hunter. De meziekindustrie speulde in op deese vroag mèt zengers es Bobby Nelson , Bobby Goldsboro, Bobby Rydell, Bobby Vee en Bobby Vinton. In Californië broake de surfbands door, zoe es Jan and Dean, en natuurlijk de Beach Boys, dee dèks Chuck Berry-gitaarintro's in de leedjes binnensmokkelde. Oonder druk vaan de commercie woort de rock-'n-roll braver en oangepast veur e breejer pebliek.
Rock-'n-roll in Limburg
Rock-'n-Roll is in Limburg opmèrkelijk populair gewore. Janse Bagge Bend heet väöl meziek geïnspireerd op de zoegnoamde Rock & Rool. Aandere bekènde Limburgs-toalige Rok & Rool nummers zien:
Janse Bagge Bend - Sollicitere
De Drekskaters - Rok en Rool duit ut gans
De Wauze - De Lintjworm
Ton Custers - Neet Zeike