E klein stökske vaan Noord-[[Fraankriek]] heet traditioneel 't Waols es volkstaol, en tot in de jaore zeveteg woort 't in de [[Luxemburg (laand)|Luxemburgse]] dörpkes Doncols en Sonlez gesproke. In de provincie [[Henegouwe (provinvie)|Henegouwe]] weurt gei Waols meh [[Picardisch]] gepraot, rond [[Aarle]] en [[Sankt-Vith]] [[Luxemburgs]] en roond [[Eupe]] e Limburgs/Ripuarisch euvergaanks of 'n [[Ripuarisch]] dialek. 't Waols is de mojertaol vaan minstens ein miljoen lui. In de stei is 't bekans door 't Frans vervange, en oonder de jonger generatie is 't verval groet, mer 't is sinds einege decennia ouch de taol vaan vernuiende kunsteneers. De taol weurt sinds [[1990]] door de Waolse gewèsregering erkind es binnelandse regionale taol.
