Heëlesj: Versjèl tösje versies

Verwijderde inhoud Toegevoegde inhoud
Misjmasj2 (Euverlèk | biedrages)
K idem
Misjmasj2 (Euverlèk | biedrages)
K mya maas-brennenraedts
Tekslien 22:
Oet d'r 19e en vreuger ieëwe zint neet vöal tekste in 't Heëlesj plat bekank. Dominee Jongeneel publiceerde i zie book ing Heëlisje vertaling va ''De geliekenis van d'r verloare zoeën'' i Duutsje sjpelling. I de ieësjte haofsjeet va d'r 20e ieëw sjreef [[M.J.H. Kessels]] (1858-1932) ''Der Koehp va Hehle'', e book uëver inne Heëlesje soldoat in 't leger va d'r Napoleon. I modern Heëlesj heesj d'r soldoat ''Kuëb va Heële''. [[Eugène Vreuls]] (1868-1940) sjreef vuur d'r kreeg i ing regionale gezet sjtuksjkes i Heëlesj dialek, die i de tachtiger joare va d'r 20e ieëw opnuits zint oetgegeëve i 't book ''Kulleréj, Heëlesje sjetse''.
 
Noa d'r [[Twiede Wereldoorlog|Twieëde Weltkreeg]] is vöal poëzie en proza gesjrieëve i Heëlesj dialek, vuural in 't tiedsjrif va d'r Limburgse dialek-verein Veldeke, ónger angere durch sjrievesj wie d'r [[Cor Driessen]] (1914-1989), [[René Toonen]] (1915), [[Wiel Stienstra]] (1922-1986), [[Jan Huntjens]] (1922-2004), [[Hub Dohmen]] (1923-1979). I 't book ''Mosalect, Bloemlezing uit de Limburgse dialectliteratuur'' oet [[1976]], zint e aantal sjtukke in 't Heëlesj opgenómme. [[Mya Maas-Brennenraedts]] (1920-2000) sjreef verhoale i 't [[Plat]] va Heëlehei. D'r [[Wiel Knipa]] (1921-2002) sjreef noa d'r kreeg väol populaire [[vastelaovend|vasteloavend]]sleedjes op Heëlesj plat, e vuurbild is ''D'r Lange Jan Marsj''.
 
De letste joare is 't Heëlesj dialek durch de bevolking dudelig opnuits umermp: 't weëd vöal opgesjrieëve en gecultiveerd. Bekind is 't [[vastelaovend|vasteloavend]]sleedsje ''D'r Loemmelekrieëmer'' va 't duo [[Paul & Leo]], wat in [[2001]] de 3e plaatsj hoalde bei 't [[LVK]]. Doa zint e paar recente Heëlesje sjrievesj die regelmoatig publicere, [[Rob Lahaye]], [[Raymond Clement]] en [[Jan Hendriks]]. 't Heëlesj kunt óch vuur in e paar sjtripvertalinge. I [[Suske en Wiske]] weëd 't gekald durch Tant Sidonia; in 't [[Asterix]]-album ''[['ne Gansen toer]]'' kalle ze 't i g'n sjtad Durocorturum.
Aafkomstig van Wikipedia, de Vriej Encyclopedie. "https://li.wikipedia.org/wiki/Heëlesj"