De Plenkert: Versjèl tösje versies

Verwijderde inhoud Toegevoegde inhoud
K link aangep.
Tekslien 13:
Get wiejer, riechting [[Geulem]], zint in 1913 14 replica's van [[Romeinse catacombe (Valkeberg)|Romeinse catacombe]] in de mergelberg oetgehouwe. De ingank ies 'n mergele gebuuwke in klassieke sjtiel mèt tympaan. De catacombe zint te beziechtige.
 
Riechting [[Boete de Paort]], aan de kant van de mergelberg, sjteit 'ne sjtatige villa, in mergel opgetrokke, in klassieke sjtiel: ''Villa Alpha'' (1880). Hieneve bevingk ziech 't 15-Februaripleintsje, dat zien naam dank aan de ièrsjte akte woa-in de naam ''Falchenberch'' geneump weurt op [[15 februari]] in [[1154]]. Van hie geit 'ne sjtiele trap riechting Polferbösj, Kuurpark en [[Casino]]. In de Polferbösj, 'ne [[hellingbösj]] dae ziene naam te danke haet aan de veurmalige Polfermeule, woort ouch 'n [[rotspark]] aangelag en in 1916 'n [[opelochtheater]] oet de mergelberg gehouwe. In de dao-op volgende jaore, tot in de jaore 60 van de 20e ièw, vónge hiè oetveuringe plaats in de vörm van [[opera]]'s, [[operette]]s, [[toneel]] en [[musical]]s ónder 't beheer van de sjtiechting ''Valkenburg-Omhoog''. Vanaaf de jaore 80 ies 't theater obbenuujts in gebruuk genómme. De ingank van dat Rotspark liek sjuins tegeneuver 't hudige multifunctioneel centrum ''de Polfermeule'' (oet 2002). Neve dae entree, mèt twiè weuste mergele pilere en 'n breer mèt waope daotösje, sjteit in de helling de mergele villa ''Rozenheuvel'' oet 't begin van de 20e ièw. Boewhièr waor Alphons Diepen, initiatiefnummer van 't Rotspark.
 
In de Plenkert bevingk ziech ouch 't zoageneump [[protestant]]s Irene-kèrkske oet 1892. 't Ies opgetrokke in baksjtein, verseerd mèt mergele elemente. D'n tore ies gedèk mèt leie. Achter 't geboew bevingk ziech 'n [[Graaf (begraafplaats)|graafkapel]] in de mergelberg. In 't kèrkske ies noe 'n restaurant gevestig.
Aafkomstig van Wikipedia, de Vriej Encyclopedie. "https://li.wikipedia.org/wiki/De_Plenkert"