Lemieësj versjèl tösje versies

'''Lemieësj''' (Nederlands: Lemiers) ies 'n dörp in de gemeinte [[Vols|Vaols]] in 't heuvelland van [[Nederlands Limburg|Zuud Limburg]]. Ouwer name zint: Lumirs, Lomers en Lymier. In de [[Selzer- of Sinzelbeek]] (ouch waal Senserbach) monde hie vief beke oet: Zieversbeek, Klaasvelderbeek, Hermansbeek, Harleserbeek, Orsbacher Pütz. 't Dörp besjteit oet 3 deil:

* Oud Lemieësj, dit ies de ouw dörpskern, die op [[Nederland|Nederlands]] gróndgebied liek tege de Duutsje grens.

* Nuuj Lemieësj, aan en rónd de rieksweeg van Vaols nao [[Mestreech]].

* 't Duutsje Lemieësj, behuèrend bie de sjtad [[Aoke]]. Hie bevingk ziech de Lemiersjer [[watermeule]]. 'n Brökske euver de Senser(grens)beek verbingk Nederland mèt [[Duutsjland]].<br>

* De Katharinakapel,'n [[Romaans]] zaalkèrkske mèt [[expressionisme|expressionistische]] moersjilderinge, die in [[1975]] gemaak zin door [[Hans Truyen]]. 't Kèrkske ies geboewd van zand- en breuksjtein. Vlak in de buurt sjteit 'ne grenssjtein mèt 'ne adelaer, 't waope van Aoke, d'r op.

* Taeves liekeliek hie 't mèt grachte umgeve ''Gen Hoes'' of kesjtièl LemieësLemieësj, dat in de [[17e ièw]] herboewd ies op de fundamente van 'ne [[Mieddelièwe|mieddelièws]] adelik hoes.<br>

* In de nuuj kern, op de krusing mèt de rieksweeg, sjteit de veurmalige rectoraatskèrk van de [[heilige]] [[Catharina]] en [[Lucia]] oet [[1896]] aan de rieksweeg.