Wie [[Reinoud I van Gelder]] ’t bewindj góng veure, woor ein vanne ieëste dinger 't kestieël oetbreie mit 'ne viefdje tore mit spitse puntj, [[de GrauwertGrawwert]]. De raeje hiejveur woor onger angere ’t oetbraeke vanne [[Limburgse Successieoorlog]]. Wie daen oorlog woor aafgeloupe, waas [[Amb Mofert (bestuursdistrik)|Amb Mofert]] ’t oeterlike zuje van ’t [[Graafsjap]] Gelder. Daobie waerdje d’r onnag gevange genómme. Wie d’r lange-lèste weer woor vriegekoch vónj ziene zoon [[Reinoud II van Gelder]] det zie vader ’t Graafsjap neet mieë kós besjture. Oeteindelik sloot dae zie eige vader in [[1320]] op inne Grauwert, d’n tore waat d'r notabene zelf haw laote boewe. Hae stórf dao zès jaor later, in [[1326]].