'''Thibald va Voere''' of '''Thibaut de Fouron''' waor hieër va [[Voere (plaats)|Voere]], voogd van de [[proosdie]] va [[Maeërsje]] en bies hoeëgoet [[1106]], dör de ègendómme va Guda, zieng vrów, ooch hieër va [[Valkeberg (plaats)|Valkeberg]]. GudaRoond 1080 erfde Guda o.m. Valkeberg van Irmgardis<ref>Irmgardis, mäögelek de Hèllige Irmgard sjtóf óp 4 september in 1080 of 1084/85 en waoërt begrave in Rees</ref> die 't good in 1041 kreeg van häöre naef d'r Duutsje keizer, Hendrik III. Dis sjenking lieëvert ooch de aodste vermelding va Valkeberg oeëvan 't centrum in dae tied [[Oud-Valkeberg]] en m.n. [[Kesjtièl Genhoes|Genhoes]] waor. Thibald wónde vanaaf 1080 in Genhoes.<ref>Kijk op Valkenburg, Notten en Habets ISBN 90 10 05124 2</ref> E boewde ca. 1101 óp de plaatsj oeë noe [[Kesjtièl Valkeberg|de ruïen van 't Kesjtieël va Valkeberg]] sjtèèt 'ne zjoeëre, veerkentige [[donjon]]<ref>Nijhoffs Geschiedenis-lexicon Nederland-België, pag. 586, 1981, ISBN 90 24790786</ref>. <ref>PublicationsSHAL 120 (1984):167-8 Referentie in Historische Verkenning van Mheer, 1995, blz 15, Joep Leerssen,</ref> <ref>De kunst van het Maasland II, J.J.M. Timmers, 1980, blz 118 Timmers besjrieft d'r donjon mae neumt i.t.t. de ander referenties ömsjtreeks 1115 es boewtied.</ref> Wienieë Thibald gesjtórve is, is neet zjuus gewete. Waal is e vör 1106 keenderloos gesjtórve. Doe waoërt d'r hoofdzaeëtel va Voere dör zieng ópvólgers verplaatsjd nao [[Dalhem]] en Guda waoërt de örsjte vrów va Valkeberg. In 1118 vermakde ze Valkeberg an Oda van Waldek, die vermoedelek häör zöster waor. Oda waor getrówd mèt [[Gozewijn I]], dae zich vanaaf da hieër va Valkeberg neumt. In 1125 sterft Guda en ze waoërt begrave in de [[Jacobus]]kèrk va [[Luuk]].
