[[Aafbeilding:UlesjtraoteHollewaegwkped05.JPG|thumb|Holle waeg in [[Ulesjtraote]].]]
'n '''Holle waeg''' ies 'n combinatie van 'ne waterluip of raegebaek en 'ne waeg in 't heuvelland van Zuud- [[Limburg]]. 't Ies eineein, vanwege jaorelank nao onder sjtruimend rege- en doajwater, oetgesjlete gröb. Door 't waegdèk loupe daodoor depe geule en euveral liegke kiezelsjtein en knabbe. 't Fiener materiaal, wie plante en drek weurt mètgesjlep riechting 'n beek of rivier. Um de waeg begaonbaar te make en te houte kriege diet soort waeg sóms 'n dèklaog van kiezelsjtein of 'n läögske groof asfalt.
==Biotoop==
In de hellinge aan weerszie greuje, vanwege 't microklimaat van zoane holle waeg (bvbeveurbeeld in 't ope veld) neve allerlei [[sjtruuk]] ouch versjillende wil [[blome]], die van wermde houte zoa wie [[Hazegerf]] (Duizendblad, Achillea millefolium), [[Dónderkroed]] (Sint Janskruid, Hypericum perforatum); [[Dónderbloom]] (Wilde Marjolein, Origanum vulgare), [[Knoupkroed]] (Centauria pratensis), [[Rapunzelklökske]](Campanula rapunculus), [[Boterbloom]] (Ranunculus auricomus), [[Agrimonie]] (Agrimonia eupatoria) en [[Hazekliè]] (Klaverzuring, Oxalis acetossella). Aan de sjièmkant en in hol waeg in de bösj greuje diverse soorte [[varen]]s, allerlei [[graas]]soorte, [[Wintergreun]] (Klimop, Hedera Helix) en o.a. de [[Gevlekde Aronskelk]] (Arum maculatum). Sóms ies d'r 'ne mieddeberm mèt graas en [[Waegtrae]] (Weegbree, Plantago major). <br>
Versjillende [[deer|dere]] vingemake hole in de hellinge wie [[knien]] en [[muis|muus]]. 't [[Gleujwörmke]] (Glimworm of Vuurvlieg, Phosphaenus hemipterus) lièet ziech sjnachs dèks zeen es 't zien leech oetsjtraolt.
