'''Awt-Gelaen''' ([[Nederlands]]: ''Oud-Geleen'') is 'n [[buurtsjap]] in [[Gelaen]] in de veurmalige gemeinte [[Gelaen]] die sins [[2001]] óngerdeil oetmaak van de [[gemeinte]] [[Zittert-Gelaen]] in [[Nederlands Limburg]]. Awt-Gelaen is gelaege ten zuuje van [[Zitterd]] de westelike kantj van de [[Gelaenbaek]] wo de plaatsjnaam van is aafgeleid. Aan de oaskantj lik de sjtasie [[Gelaen-Oas]] aan de spoarlien Zittert-Hèrle.
==Gesjiedenis==
In de middeleëuwe waas Awt-Gelaen ouch bekènd ónger de naam ''Op-Gelaen'', de iersjte vèrmelding waas in [[1148]]. 'Tt 'dörpDörp' is nauw verbónge mèt de patroanheilige Sint-Marcellinus en Sint-Petrus wonao de parochiekirk is geneump. De aw kern woort gevörmp door de hujige straote Pieterstraot, Peschstraot, Dorpstraot (noe Marcellinusstraot), Jodenstraot en Eindstraot. Aan dees straote likge allewiel nog ènnige monumente van historische waerd zwoaes 'dörpshäöf en patriciërshoeze. Pès in 't begin van veurige eëuw woort 't dörp lètterlik doorstruimp door de [[Cötelbeek]] die leep via de Pieterstraot en Peschstraot en vervolges aan 't eindj van 't dörp uitmóndje in de Gelaenbaek. Allewiel is dees baek euver häör ganse tracé bènne Gelaen euverkloesd en maak ze deil oet van 't riolesjtèlsel. Al veur de kóms van de mien Maurits in 't begin van de twintigste eëuw waas 't dörp gerich op boerebedrieve, laerloajerieje en beerbroewerieje. Door de sjnelle óntwikkeling van Gelaen es industriesjtad, smólt 't dörp same mèt de anger dörpe [[Lötterao]] en [[De Kraonkel|Kraonkel]] tot de gemeinte Gelaen.
