De [[blokbreker]] waor de man, dae in de berg de mergelsjtool oetbrook mèt 'ne [[biel]] of mèt 'n ''sjtoatbeitel''. Van zoane sjtool woorte mèt de ''blokzaeg'' mergelblök gezaeg, die gebruuk woorte um te boewe. De blokbreker kreeg oetbetaald aan de hand van 't aantal blök wat 'r hou geproduceerd. 't Transportere van de mergelblök nao boete gebeurde mèt paerd en kar. Wiejer ging de reis per sjeep euver de [[Maas]].
De blokbreker waor de man, dae in de berg de mergelsjtool oetkapde mèt 'ne [[biel]] of mèt 'n ''sjtoatbeitel''. Hie volg de besjrieving van de ''Subermethode''. 't Make van de ièrsjte gleuf op huègde woort "kale" geneump en de gleuf zelf, zoan 83 cm breid en 5 cm hoag, heesj de "heuj". Daonao woort 'n twiède gleuf of pilaervaor langs de ziekant gemaak mèt de ''opzatzaeg''. 't Make van de lange vertikale vaor aan de ander zie van de ièrsjte blok gebeurde op dezelfde meneer, oetgedeep tot op de vloer. De ónderheuj ies 'n horizontaal gleuf op kneehuègde. Noe zoot de sjtool allein nog aan de achterkant vas. 't Boveste deil, 't sjaap, woort noe 't ièrsj weggehaold mèt hölp van iezere wigge en 'ne veurhamer. Mèt 'n breekiezer woort 't nao veure gekiep: 't zgn sjaap trèkke. 't Óndersjte deil van de sjtool, de kas, waor noe te bewèrke, vanoet de plaats woa ièrsj 't sjaap zoot. Noe ging me ''kassjtaote''. Mèt beitel en zaeg woort aan de achterkant 'n sjleuf gekap. Op 't lèts woort mèt 't houwe van 'n wig de ganse sjtool vrie gemaak. De volgende sjteul waore gemekkeliker vrie te make, umdat ze aan de achterkant bereikbaar waore. De aafmeting van zoane sjtool waor gemiedeld 80 cm hoag en 50-60 cm breid. Um te veurkómme dat mèt 'ne mergelblok verkièrd geboewd zou were (tege de draod) maakde de wèrkman 'n teike op de blok um aan te geve wie de blok in de berg hou gezete.
't Zaege van de mergelblök gebeurde mèt de ''blokzaeg''. De blokbreker woort oetbetaald aan de hand van 't aantal blök wat 'r hou geproduceerd.
't Transportere van de mergelblök nao boete gebeurde mèt paerd en kar. Wiejer ging de reis per sjeep euver de [[Maas]].
