André van den Heuvel

ÇAndreas Petrus Gerardus (André) van den Heuvel (Tegele, 4 juni 1927) is eine Nederlandse acteur en regisseur, dae debuteerde in 1950 in ‘t sjtök Amphytrion van Jean-Pierre Giraudoux.

Zien ech teneeldebuut belaefde hae in de jaore daoaan veuraafgaond es amateur in de tradisjenele Tegelse passiesjpele in zien geboartedörp. Van den Heuvel haet zoa ongevieër alle groate rolle in alle groate stökke vertolkt, variërend van Shakespeare tot Euripides en van Vondel tot Brecht. Van den Heuvel wón tweimaol de Louis d'Or-pries. Hae sjpeelde verder in óngermieë de tilleviezieseries "De Weg" (1982, KRO) en "De Partizanen" (1995, KRO), In naam der Koningin (1996). Daonaeve sjpeelde hae in 1965 in de ieësjte Annie M.G. Schmidt/Harry Bannink-musical Heerlijk duurt het langst. Hieël bekènd is ‘t daooet aafkómstige leedje Op een mooie Pinksterdag dat hae same mèt Leen Jongewaard zóng. Auch waas hae te zeen es groatvader in de sjpeelfilm De rode zwaan (1996).

Bekènd woort Van den Heuvel auch van de tilleviiziereclamesjpotjes van de NMB (tegewoordig ING). Op tachtigjaorige laeftied hilt Van den Heuvel zich tegewoordig bezig mèt beeldhouwe. Met teneelspele is hae ènnige jaore geleeje gesjtop - mèr in 2008 waas hae nog te zeen es Herman Batenburg in de Nederlandse advocateserie Keyzer & De Boer Advocaten.

Van den Heuvel woont tegewoordig in Amsterdam en is getrouwd mèt actrice Kitty Janssen.

Externe links

• Sjabloon:IMDb naam
• Hoarsjpele mèt André van den Heuvel
• Interview mèt André van den Heuvel (NRC 19-06-2007)

Bron

• Euvergezat oet Wikipedia nl: