De Sjtoepert: Versjèl tösje versies

Verwijderde inhoud Toegevoegde inhoud
K links
aanv.
Tekslien 1:
{{dialek|Valkebergs}}
'''De Sjtoepert''' (Nederlands: '''Stoepert''') ies 'n buurt ten noorde van [[Brokem]] in de gemeinte [[Valkeberg]] in [[Nederlands Limburg|Zuud Limburg]]. 't Ies gelege tege de [[Ravesbösj]]. De [[Kattebaek]], zoa woort de buurt vreuger ouch waal geneump, sjtruimp door diet gebeed en zal nao 'n paar kilomaeter in [[Valkeberg]] in de [[Geul]] oetmónde. Nóg 'ne, historische, naam ies ''Krejjedörp'', vanwege de euvergegebleve krejje (sjtökker briek) van de boew van 't Ignatiuscollege. Op 'n landkaart oet de jaore twintig van de 20e ièw sjteit "kraaiendorp" wat 'n verkièrde (Nederlandse) interpretatie ies van ''krejje''.
 
De naam Sjtoepert kump van ''sjtoep'', dat 'hoagerop' beteikent. Aan de kloasterwaeg, vlak veurdat de Sjtoepertwaeg de bösj in klump riechting [[Arensgenhout]], liek 't [[Ignatius]]college, 'n [[kloaster]] en weitesjapsinstituut van de [[Jezuïet]]e, geboewd in 1894 door architect [[Huub Habets]]. 't Geboew ies opgetrokke van baksjtein en haet [[neogotiek|neogotische]] elemente. Tege-n 't kloaster aan liek noe, op de plaats van de ouw neogotische kapel, 'ne nujerwètse oetboew. In 1964 trèkke de [[zuuster (religieuze)|zuustersj]] [[Franciscaan|Franciscanesse]] in 't complex, naodat hun eige kluèsterke op [[Sint-Pièter]] aafgebroke ies. Tot 1982 zal 't kloaster mèt de naam St. Josef, fungere es bejaardehoes ''Boslös'' ónder leiding van de nónne. In de tuin weurt vervolges 'n nuuj ónderkómme geboewd veur de religieuze. De oudboew ies daonao jaorelank 'n meditatiecentrum van de [[Marahishi]].
 
In de jaore 60 van de 20e ièw óntsjteit 'n ganse nuuj woonwiek, de zoageneumde ''Blomebuurt''. Ouch bevingk ziech hie de miedelbaar sjoal van Valkeberg, ''de Ravesberg'', noe Stella Mariscollege geneump. 't Bedrieveterrein ''De Valkenberg'' en de begraafplaats van Brokem bevinge ziech hie in de buurt.
Aafkomstig van Wikipedia, de Vriej Encyclopedie. "https://li.wikipedia.org/wiki/De_Sjtoepert"