Wes-Fries: Versjèl tösje versies

In de [[daartiende iew]] lökden 't graof [[Floris V van Hollandj|Floris V]] vaan [[Holland]] nao jaore vaan strijd de Wesfrieze te oonderwerpe. Vaanaof dat memint mote de Wesfrieze 't Hollands zien goon euvernumme. 't Steit wel vas tot dees nui taol nog väöl Friese invlode had. Aon d'n andere kant waor toen ouch 't Hollands wat de vereuverere mètbrachte väöl noordeleker, Fries-echteger, es tot 't later zouw weure. Wie dat laat-middeliewse Wesfries gekloonke heet en wieväöl 't vaan 't toenmaoleg Zuid-Hollands aofstoont is neet te achterhole. In de iewe daonao greujden 't ummer nao 't zuidelek Hollands touw. Veural de taol vaan 't mechteg [[Amsterdam]] waor e belaankriek doorgeefluuk. Zoe dege de mieste Wesfriese dialekte mèt aon de [[Braobantse expansie]]: 't euvernumme vaan de klaanke ''ij'' en ''ui''. De ''ei/ij'' woort in 't Wesfries zelfs nog wijer getrokke tot ''ai'' of zelfs ''oi''. Ander veranderinge in 't Zuid-Hollands sloog 't Wesfries evels euver. Zoe bewaorde 't väöl aajd-Hollandse dialek-kinmerke die in de Randstad verlore gónge. Veural sins 1900 greujt 't Wesfries dudelek nao 't [[Standaardnederlands]] touw. Daobij verdwijne in de ierste plaots typische wäörd, meh ouch de grammair vernederlandstevernederlandsde. Ouch tösse de Wesfriese dialekte oonderein woorte de versjèlle belaankriek kleinder, zoetot oonder de jóng generaties e soort vaan Wesfries einheidsdialek gebrukelek is gewore.