Zonne-energie: Versjèl tösje versies
Verwijderde inhoud Toegevoegde inhoud
Tekslien 21:
Daorom mot de energie euver een vriej groot oppervlak 'geougs' waere om economisch rendabel te waere. 't Waord ougste is hiej zeker van toepassing, omdet de landjboew al eeuwe nieks angers duitj dan zonne-energie ougste in biochemisch gebonje vorm, zowie zetmael in graane of aerpele.
Veur lenj wo de zon bienao de hele daag sjientj besjtuitj ein gooj technologie om zonne-energie te ougste: geconcentreerdje zonne-energie, ouch waal [[thermisch-elektrische zonne-energie]] genumpdj (in 't Ingels: CSP: Concentrated Solar Power). Hiejbiej waere de zonnesjtraole door middel van sjpeegels saamegebrachtj op ein klein oppervlak, wo ein hoge temperatuur ontsjtuitj. Mit die hoog temperatuur weurdj sjtoum gemaaktj, womit net es in ein geweun centrale elektriciteit weurdj opgewek. De CSP-technologie is goojekouper es de PV-technologie. In Californië functioneere sins de jaore 80 ein aantal CSP-centrales mit ein gezamelik piekvermoge van 350 MWe (MegaWatt elektrich) nao vol tevreejeheid.
[[Image:spanjeafrikazonneenergie.png|thumb|300px|De oranje gebiede in'ne Sahara en Zuud-Sjpanje zoewe idder voldoende zonne-energie kinne opvange veur de energieveurziening van Europa.]]
Ein anger vorm van doerzaam zonne-energie is de [[zonnetoren]]. Loch weurt opgewermpdj door zonnewermte onger eine cirkelvormige doorsjienendje collector dae aan'ne randj aope is. Zo vormptj 't doorsjienendje daak saame mit de grondj ein opsjlaagruumtje veur door de zon opgewermdje loch. In 't midde van'ne cirkel sjtuitj eine verticale toore, dae aan'ne basis ein grote doorsjnee haetj. Omdet heite loch lichter is es kaaj loch, sjtijgtj dees op door de toore. De toore zuugtj meer loch aan en d'r weurdj nuuj kaaj loch aangeveurdj aan'ne randj van'ne opsjlaagruumtje. Eine continue sjtroum van loch kan bereiktj waere door mit water gevuldje tubes onger 't daak te plaatse. Euverdaag werme dees op en ’s nachs gaeve ze häör wermte aaf. Zo is d'r sjpraoke van eine constante sjtroum veroorzaaktj door zonnewermte. De energie die ontsjtuitj biej dees opwaartse sjtroum loch weurdj door windjturbines omgezatj in mechanische energie en mit generators weurdj dees mechanische energie omgezatj in elektrische energie.
| |||