Paul van der Goor versjèl tösje versies

1 byte toegeveug ,  12 jaar geleden
gein bewirkingssamevatting
Hae ging wiejer Nederlands sjtudere aan de Universiteit van Nijmege. Tegeliekertied goof d’r ouch al les aan zien “eige” Kleesj in Remunj (vanaaf 1956).
Geleidelik kreeg d’r dao ein voller reuster en kort nao zien trouwe in 1963 mit Marleen van Hees is d’r mit de sjtudie Nederlands in Nijmege mótte sjtoppe.
 
Paul waar es docent meer eine echte taleman es eine lesboer. Netuurlik behanjelde d’r veur zien leerlinge waal de biebel van Lodewick. Maar op zaoterdigmorges aan ’t inj van ein lange sjoolwaek loos d’r gaer veur oet de beuk van Anton Koolhaas, dae aan ’t begin van de zestiger jaore es sjriever naam begós te make mit verhaole euver beester mit mienselike sjtreke en gedachte. Vol euvergave besjreef Paul ’t laeve van “Miel de Vis”, dae in ziene goldjvèssekómp euver de dagelikse gank van zake delibereerde: “Gaon ich nao rechs, zal ich noe ins linksaaf sjlaon of geweun rechdoor of missjien krangsóm?” Zo goof Paul zien leerlinge zien eige “Wort zum Sonntag” mit.
In 1969 waerde Paul van Remunj euvergeplaats nao ’t College in Ech, wao d’r nao ein paar jaor ouch conrector waerde. Det letste veel ‘m euveriges erg zjwaor.
Anonieme gebroeker
Aafkomstig van Wikipedia, de Vriej Encyclopedie. "https://li.wikipedia.org/wiki/Speciaal:MobielVerschillen/118429"