Boeing B707: Versjèl tösje versies

De B707-120 waas 't eerste vleegtuug oet de succesvol B707 generasie die in produksie ging. Ze waas door Boeing in eerste insjtansie ontwikkeldj veur 't gebroek op continentale vluchte. Door ein grote brandjsjtofcapaciteit waas ze echter waal in sjtat om de oceaan euver te vleege mit 't maximaal aantal passageers. Ten opzichte van de B367-80, 't prototype van de B707 haaj ze eine 1,31 maeter langere romp en iets groter vleugels. Veer [[Pratt & Whitney]] JT3C-6 turbojet motors leverdje gezamelik ein vermoge van 23.600 kg. Dees motors waare neet de meist effectieve. Door 't gewich van 't vleegtuug (laeg: 51.400 kg) en de relatief zjwakke motors haaj de B707-120 ein sjtartbaan neudig van 3100 maeter! Hiejdoor koste allein de groter lochhaves waere aangevlaoge. Bij häöre opvolger, de B707-120B, waerdje dit mit 400 maeter verkortj nao 2700 m. 't vleegtuug booj plaats aan 121 passageers in'ne eerste klas of 179 passageers in'ne zogenaamde tourist class. Op 20 december 1957 vloog 't eerste productievleegtuugproduksievleegtuug en halverwege september 1958 ontving ze van de [[FAA]] häör typecertificaat veur lochwaardigheid. Korte tied hiejnao waerdje 't eerste vleegtuug aafgeleverdj aan Pan American Airways ouch waal [[Pan Am]] genumpdj.