Faeröer

Sjabloon:Dialekt De Faeröer (Faeröers: Føroyar; Deens: Færøerne) zint 'n West-Europiese eilandengroop, gelaege in 't midde van de dreihook Sjotland-Noorwege-Iesland en behurend bie 't koninkriek Denemarke. De naam Faeröer beteikent 'sjaope-eilande' (øer is Deens veur 'eilande', dus de naam Faeröer-eilande is eigelik e pleonasme). D'r woene ongevier 45.000 luui, woevan väöl in de haufsjtad Tórshavn. De plaatjselike Noord-Germaanse dialecten, verwantj aan 't IJslands, vurme ein aparte taal, gestandaardiseerd in 't Faeröers.

De Faeröer zint veurnaomelik bevolkt vanoet Noorwegen, vanaaf de 9e iew n.Chr. In de 11e iew kaome de eilande onger 't gezag van de Noerse koening. Toen Noorwegen zelf e deel van Denemarke woerd, kaome de Faeröer auch onger de Deense kroen. Auch toen Noorwegen Zjweids en later zelfsjtendig woerd, bleve de Faeröer Deens. In 1948 kriege ze verregaond zelfbesjtuur. De Faeröer hure neet bij de Europese Unie.