Amerikaanse Burgeroorlog

Mit de verkeezing van Abraham Lincoln tot president van de Vereinigde Sjtate in 1861, sjeide 't zuude van de V.S. zich aaf tot de Confederatie van Amerikaanse Sjtate. Lincoln waor namelik 'ne taegesjtander van sjlavernij, terwijl in 't zuude talloze sjlave op de katoenplantages wirkten. Lincoln kos 'n sjeiding van de V.S. neet toesjtaon en sjikte 't leger nao 't zuude. Hiemit waor d'n burgeroorlog 'n feit. Aanvankelijk waore de zuudelijken aan de winnende hand, mer toen 't noordelijke leger mieë versjterkinge kreeg, werd d'n oorlog in 1863 besjlis mit d'r Sjlaag bie Gettysburg. Lang haet Lincoln neet kenne geniete van de vrede, want hae werd in 1865 vermoord. De periode die volgt op d'n burgeroorlog wurt de periode van de Reconstructie genump.